Nos . . decanus ecclesie Treveren. notum facimus universis etc. quod cum quedam composicio racionabiliter fuerit ordinata sive facta inter religiosos viros dominos . . commendatorem et fratres Theutonice domus in Confluencia ex parte una et rec- torem ecclesie de Oftindinge ex altera super redditibus et offi- ciacione divinorum capelle in Waildorf, iuxta commissionem a nobis factam decano christianitatis de Oftindinge, quam si idem decanus sigillavit extunc approbavimus eandem et eciam appro- bamus, prout in litteris super hoc confectis continetur; volu- mus in hiis scriptis quod rector pro tempore existens capellam officiet predictam ut tenetur; quod si non faceret et per nos ad instanciam dictorum religiosorum requisitus fuerit semel ta- men officiare negligeret sua culpa, extunc ipsi religiosi ipsum rectorem coram iudice ecclesiastico competenti quocunque su- per premissis trahere possunt in causam nostra contradictione vel offensa non obstante. Quatuor eciam solidos in alia littera nostra specificatos ad luminare dicte capelle cedentes curiarius dictorum religiosorum in Waildorf levabit et luminare faciet de eisdem ad capellam annuatim absque dicti rectoris offensa. Quod si luminare facere negligeret ut tenetur, extunc idem rec

391

tor ipsum compellere valeat ad satisfactionem quantitatis pre- dicte anno quolibet in futurum. In cuius rei testimonium sigil- lum nostrum hiis litteris apposuimus. Anno domini m.ccc. tri- cesimo, feria secunda in crastino festi pasche.