Fridericue dei gratia Romanorum imperator semper augu- stus et rex Sicilie. Locorum religiosorum incommodis obviari, ex commissa sibi plenitudine potestatis imperialis circumspec- tionis solicitudo requirit, et sic ipsis providere in omnibus ad cautelam, ut nihil apud ea remaneat indiscussum unde locis ipsis dispendium valeat suboriri. Eapropter venerabili domui sancte Marie Teutonicorum, que divorum augustorum avi et patris nostri ac nostra structura est specialis, in cunctis que sibi et fratribus ibidem constitutis possent obesse volentes augustali providentia precavere, de consilio dilectorum principum et alio- rum nostrorum fidelium subscriptorum presentis pagine tenore sancimus, ut nuili postquam ipsius domus religionem assumpse- rint et habitum gestaverint super aliquibus debitis, que ante susceptum habitum contraxerant, requirantur aut ea solvere compellantur, sed illi pro ipsis debitis teneantur ad quorum dominium hereditatis et bonorum suorum noscitur successio de- voluta, etiamsi ipsi fratres, cum ordinem assumpserint, partem bonorum suorum domui contulerint memorate. Ad huius autem rei evidentiam et robur in perpetuum valiturum presens scrip tum inde fieri et sigillo maiestatis nostre iussimus communiri.

Huius rei testes sunt: Albertus Tridentinus et B. Brixinen- sis episcopi. Comes Henricus de Diez. Comes S. de Viande. Comes Heinricus de Eberstein. Bernardus de Hurstemare. Ar- noldus de Gemeneck. Conradus de Dortmunde. Hadamarus de Kauringe. Cuno de Tuffen. Conradus de Werda, et alii quam plures.

Datum apud Aretinam, anno dominice incarnationis m.cc.xxii., mense decemb., indict. xi.

5 *

68