30

hofstatten, in Reideburg gelegen, von reichsgiiter n die in deren besitz waren. 1216.

Hermannus Magdeburgensis burgravius universis Christi fide- libus salutem et servitium. Cum in rebus transitoriis semper suspectum sit vitium mortalitatis, ideo industria prudenter in- venit humana, ut facta mortalium in mortalibus muniat instru- mentum. Proinde significo tam futuri quam presentis temporis omnibus, ad quos presens pervenerit pagina, quod dum essem provisor puerorum de Querforde cognatorum nostrorum de bonis imperii octo mansos et areas et alia attinentia in Rideburgk, que iure beneficii quidam Philippus ab ipsis prius habuit, beate dei genitrici Marie et fratribus ad hospitale Theutonice domus Ierosolimitan. pro remedio anime patrui mei contuli; rogantibus et consilium prebeutibus amicis puerorum, episcopo fratre Con- rado in Sichem, comite Sifrido in Blankenburch, comite Fride- rico in Bichlingen, comite Borkardo in Manesvelt, domino Theo- derico de Trebach. Si autem hanc donationem pueri, cum adolescerent, suadentibus stultis hominibus nollent habere ratam, fideliter promitto, quod alia bona sive de hereditate mea sive de bonis imperii, ubi ipsis pueris utile et commodum fuerit, in recompensationem istorum libenter conferam. Quod ut futuris temporibus robur habeat firmitatis, presenti pagine inscribi et sigilli mei impressione iussi consignari et subscribi hos testes qui omnes aderant. Dominus Theodericus de Trebach. Henricus de Uphausen. Henricus rufus de Reveningen. Henricus de Sman. Henricus de Amulungesdorph. Theodericus de Scovesse. Lampertus de Uruminestede, et alii quam plures quorum om- nium nomina subscribere non possumus. Acta sunt hec anno dominice incarnationis m.cc.xvi.