C. In nomine sancte et individue trinitatis, patris et filii et spiritus sancti, amen. Fridericus secundus divina favente cle- mentia Romanorum rex, semper augustus et rex Sicilie. Ut per graciam quam rex regum suis fidelibus misericorditer elargitur, plus devoti reges et principes videantur, vigilandum est eis et totis studiis intendendum, ut in quibuscunque possunt munifi- centie divini culminis obsequantur. Notum itaque facimus uni- versis, quod nos attendentes devotam religionem sacre domus hospitalis sancte Marie Theotonicorum, pro salute quoque nostra et remedio animarum fidelium augustorum paretitum nostrorum reverende memorie, traditionem quam Babenbergis episcopus de villa Langen et pertinentiis ipsius ville fecit fratri Hermanno magistro hospitalis sancte Marie Theotonicorum Ierosolimitan., presenti privilegio confirmamus, tenorem privilegii episcopi su- pradicti huic nostro privilegio inserentes.

Ecchebertus dei gratia Babenbergis episcopus etc. Acta sunt hec pontificatus nostri anno sexto decimo. Preterea, donationi canonicorum sancti Iacobi et confirmationi memorati episcopi benignius annuentes et regalis munificentie beneficium adicientes, damus et perpetuo confirmamus domui hospitali sancte Marie Teotonicorum regalem bannum nostrum, quem in supradictis bonis de Langen hactenus imperium habuit et nos visi sumus habuisse. Ad huius autem nostre confirmatio- nis et donationis perpetuam firmitatem presens privilegium inde fieri fecimus, sigillo nostre celsitudinis roboratum.

Huius rei testes sunt: Hermannus marchio de Baden. Co- mes Sibertus de Werda. Comes Heinricus filius eius. Cunradus burgravius de Nurenberc. Gerlachus de Butingen. Rainaldus dux Spoleti. Rudolfus advocatus de Rappertiswilar. Heinricus magister coquine de Rotenburc. Rudolfus de Huzinberc. Cono de Tuitten, et alii quam plures.

48

Signum domini Friderici Romanorum regis semper au-

gusti et regis Sicilie. Ego Cunradus dei gratia Metensis et Spirensis episco-

pus, imperialis aule cancellarius, vice domini Sifredi,

Maguntine sedis archiepiscopi et totius Germanie ar-

chicancellarii, recognovi. Acta sunt hec anno dominice incarnationis millesimo ducente simo vicesimo, mense ianuar., indictione octava. Regnante do mino nostro Friderico illustrissimo Romanorum rege semper augusto et rege Sicilie, anno Romani regiminis eius in Germa nia octavo, et Jn Sicilia vicesimo secundo. Feliciter, amen. Datum apud Hagenowe, anno mense et indictione prescriptis.