Nos Heinricus miles dominus de Ysenburch presencium inspectoribus et auditoribus universis notum esse volumus et tenore presencium publice recognoscimus et fatemur quod nos Conrado nato nostro legitimo tamquam bene merito pre aliis liberis nostris dextrarium nostrum grisei coloris in crinibus sive pilis, iam stantem in stabulo religiosorum virorum.. com- mendatoris et fratrum domus Theutonice in Confluentia et com- mendatum ipsorum cure et sollicitudini, vel pretium aut va- lorem ipsius dextrarii nostri liberaliter predonamus omnibus sollempnitatibus ad predonationem huiusmodi debitis et con- suetis irrevocabiliter scilicet donatione inter vivos, et rogamus dictos.. commendatorem et fratres et eisdem committimus bona fide quod nomine Conradi nati nostri predicti et ad vo- luntatem ipsius se de dicto dextrario sive pretio vel valore ipsius fideliter intromittant, facturi de predicto dextrario vel ipsius pretio et valore si ipsum distrahi contigerit quod uti- litati nati nostri sepedicti viderint et crediderint expedire. Hoc adiecto quod dicti .. commendator et fratres predicto nato nostro postquam ad annos pervenerit pubertatis dictum dex- trarium si existat, vel pretium seu valorem ipsius si medio tempore venditus fuerit restituere teneantur; ita quod ipse natus noster de predicto dextrario pretio seu valore ipsius ordinet et disponat quod sibi crediderit expedire et ordinandi seu disponendi liberam habeat potestatem. In cuius rei testi- monium sigillum nostrum presenti appendi fecimus instrumento. Nos vero.. commendator et fratres predicta premissa omnia et singula sic esse protestamur et vera, et sigillum nostri..

268

commendatoris presentibus appendimus in testimonium omnium premissorum. Acta sunt hec in die Lucie virginis, anno do- mini m.cc.lxxx. sexto.