Sifridus dei gratia Maguntine sedis archiepiscopus. Utilis est scriptorum memoria, que rerum tractatibus tam contra oblivionis caliginem quam contra hominum pravorum cautelam adhibet ac munimen. Noverint igitur universi tam presentes quam posteri, quod cum in proprietate fidelium nostrorum comitum de Cygen- hagen ecclesia in Richenbach olim constructa fuisset, et postmo- dum devotione quorundam procurante et accedente consensu comi- tum eorundem in ecclesiam conventualem promota, ita ut sancti- moniales in ea sub habitu religionisdomino deservirent; processu temporis idem conventus per aeris tempestates, guerrarum insul- tus et alios sinistros eventus coactus est dilabi penitus et dispergi, adeo ut idem locus multis diebus divinis esset officiis destitutus, Unde dilecti fratres in domino hospitalis sancte Marie Ierosolimitani a prefatis comitibus petierunt, locum ipsum et bona ipsi attinencia sibi conferri, ignorantes quod ius donationis, ex eo quod ec- clesia conventualis extiterat, dudum ad auctoritatem transierat ecclesie Maguntine. Dicti ergo comites de facto, cum de iure nequiverint, et sine nostra conniventia eisdem fratribus locum ipsum cum bonis attinentibus contulerunt. Cuius donationis cum a nobis confirmatio peteretur, nos habito consilio prelatonjm ecclesie Maguntine et aliorum prudentum virorum, auctoritate ac iure nostro freti, donationem premissam, eo quod nulla esset penitus ipso iure, omnimodis irritantes, antedicta bona, prout ad nos de iure spectabant, fratribus contulimus antedictis, at- que ipsis et alia, si qua poterunt deo propicio iustis modis in posterum adipsci, auctoritate presencium confirmamus. Sub in- terminatione anathematis inhibentes, ne quis eos indebite gra

11

vare presumat. Quod si quis attemptare voluerit, indignationem omnipotentis dei et beati Martini se noverit incursurum.

Testes: Cunradus prepositus maioris ecclesie Maguntine. Gerbodo sancti Petri in Maguntia et sancti Pauli in Wormatia prepositus. Godefridus custos maioris ecclesie Maguntine. Hein- ricus de Stahelke, Opertus, Dietmarus, canonici eiusdem eccle- sie. Willehelmus decanus sancti Victoris. Rifridus sancti Petri, Bernardus sancti Victoris scolastici. Gotefridus de Eppenstein, Gerlacus de Butingen. Wernherus et Philippus de Bonlanden. Embricho Volpes. Giselbertus de Rudensheim, et alii quam plures.

Acta sunt hec anno dominice incarnationis m.cc.xi., indic- tione xm. Datum Wormatie, quarto kal. marcii. Imperante domino Ottone quarto Romanorum imperatore augusto, imperii eius anno secundo.