Wir Dyderich der mayr unde Herman van Bacheym di rittere van Munster Meynefelt dun kunt allen di disen brief sient oder horent, dat wir den hof van Kalthe, der da uf den hof gehoret zu Love, uf han gedragen unde dragen in uf met disme brieve den herren vamme Duzchenhus dem commendure bruder Winriche unde den bruderen zu Kovillenzhe in allem deme rechte als he gelegen is, also dat wir met onsen na- kumelingen in den selven hof vergain unde verstain, met al- lem deme rechte dat dat gut schuldich es van Kalthe. Unde ich Peter der vayt bekennen dat, dat ich dat selfschuldige gut

361

han geleuwen den selven vurgenanten herren dem .. commen- dure un den . . bruderen vamme Duzschenhus zu Kovillenze zu rechteme erve, met urkunde diser . . scheine Henrichs van Lymele, Peters sines sunes unde Engilmanns van Love, met sulchen vorworden, also, dat si iar unde dach dar inne sitzen sulen, in der gewer, unde als si ior unde dach dat be- sezhen hant, so sulen si uns wider in setzen, ombe den self- schuldigen pacht, als unse brive sprechent, di der . . official des hoves van Kovillenze besigelt hat. Unde wir Dyederich un Her man di Yurgenannte rittere, alsulch gut als uf den hof gehort zu Kalthe, dat da ruret van der prostien van Munster Meinvelt, dat han wir ufgedragen, in urkunde des hoves, un vur den . . herren van Munstere, urkuntlichen Iohannis Kunzhen, Thil- mannis van Kalthe unde Dyederichs Haznuzzes eydem, met alsulcher vurwurde, als dat wir den anderen ufgedragen han. Unde wir vurgesprochene rittere dun auch kunt, dat wir den hof zu Kuthge in alsulchme rechte als he gelegen es han ufge dragen dem vurgenannte . . commendure unde den .. brude ren zu Kovillenzhe, urkuntliche Stheveus den scheffen, Iuhans van Kuthge des hovemannis, Heinrichs Beginres un Gobelen Crisers der hovelude. Unde dit vurgenannte gut sal man nit deilen vurwerter dan in zwa hende. Unde wir Dyderich unde Hermann di vurgenanten rittere sulen met unsen erven dat vurgenante gut allewege berichten. Unde dat dise dinc veste unde stede sin, di in disme brive geschriven sint, des han wir bruder Nycholas van Meygene unde her Dyderich unde her Herman di vurbeschriven rittere zweiir . . scheine ingesigel, hern Henriches Zuverlais unde ern Conradis van Munstere, dun hangen an disen brief van onser beden wege zu eime urkunde unde einer warheide. Dit es geschit uf sente Valentines dach, van der geburt onsers herren dusent druhundert unde sieven- zehen iar.