In nomine sancte et individue trinitatis. Sifridus dei gratia Moguntine sedis archiepiscopus. Omnibus presentis evi fidelibus et futuri, ad quorum venerint hec scripta conspectum, salutem in perpetuo salutari. Acta serenissimorum regum et sublimium personarum quanto excelsiori auctoritate procedunt, tanto ea convenit sollempnioribus indiciis roborari testium et scriptorum, quibus scrupuli excludantur oblivionis et litis. A nostra igitur memoria non labatur, quod dominus Fridericus, inclitissimus Romanorum et Sicilie rex semper augustus, ecclesiam in Wise- badin ob remissionem peccaminum et salutis sue profectum sancte Marie in Iherusalem Teutonico contulit hospitali; ex parte cuius fuit nobis humiliter supplicatum, ut donationis regie liberalitatem confirmationis nostre munimine suppleremus. Ea- propter donum ecclesie antedicte, sicut ab illustrissimo rege prefato, pie ac salubriter noscitur esse collatum, gratuite duxi- mus approbandum, idemque auctoritate metropolitica confirma- mus. Statuentes ut in ecclesia ipsa perpetui ministrent pastores; tali eis stipendio assignato, quo decenter valeant sustentari et tam diocesano quam archidiacono iura exsolvere debita et con- sueta. Curtis vero dotalis cum omnibus decimis, maioribus et minutis, absque diminutione qualibet serviet usibus infirmorum quibus providet hospitale. Sub interminatione igitur anathema- tis inhibemus, ne ulla ecclesiastica secularisve persona huic con- firmationi nostre presumat ausu temerario contraire. Quod si quis attemptaverit, indignationem omnipotentis dei et beatorum Petri et Pauli, apostolorum eius, beati Martini, et excommuni- cationis nostre sententiam se noverit incursurum.

Testes autem sunt: Heinricus prepositus; Boppelinus deca- nus; Godefridus custos; Conradus scolasticus; CristianuS can- tor; mgr. Obertus archipresbiter; Heroldus, maioris ecclesie canonici. Godefridus de Eppenstein. Wernherus de Bonlanden. Conradus camerarius et Eberhardus. Ulbertus de Edechenstein et Heinricus frater eius. Hartmudus de Esschenburn. Gisel- bertus de Rudensheim, et alii quam plures.

Urkundenbuch des deutschen Ordens. 3

34

Datum Moguntie, anno incarnationis dominice m.cc.xviii., id. iunii; pontificatus nostri anno xvii.