Wir vrauwe Ignilt meysterse, Leyfmut priorissa des kloy- sters unser vrauwen zu Valender und unse iuncfrauwe ge- meynlich doyn kunt allen luden, dey desen breyf seynt oder hurent leysen, dat wir hayn gegeven eyndrechteclich mit rade und geheyze unser vrunde eyn stucke ackerlantz, dat gelegin is zu Lutzelkovelenze , dat man nennit in deme Priole, den erberen geystlichen luden den herren zu Kovelenz van me Dutschen huse erflich und ewelich vur eygin van eyme wer- lichen kude, den wir mit in gedayn hayn umbe zwey stucke wyngardz, dey si ouch uns vur eygin haynt gegeyven; und is eyn stucke geheyzen dat Wafengeschreye, dat ander is ge legin in deme Nederinflore; und geloyven in guden truwen, weder desen vurgenanten werlichen kuyt nummer zu doyne mit worden noch werken noch mit keynen sachen, dey den vurgenanten herren van unser wegin zu schaden komen mach. Hey bi sint geweyst und hayn sementlich zo eyme gezuge her bi geroyfen vrome erber lude, Heynrich Rachtdorfer un sen geistlichen bruder, Iohan van Walrisheym deme wir dat vurgenant lant verluwen hatten, Thomas Elsen sun van Leyge,

414

Gerard der becker van Lutzelkovelenze, Heynrich des kloc- keners sun, Tilgin der karrener. Ouch hayn wir zu eynre merre stedicheyde alle deser vurgeschrevenre sachen ingesegil unses gemeynen conventz vurgenant an desen breyf gehangen; und geyn, dat dese dinc wayr sint. Deser breyf is gegeven du man schreyf dez iare uns herren druzeynhundert iar und se) s un vunfzich iair, uf sent Valerius dach des heyligen buschofz.