144

Innocentius episcopus etc. Venerabilibus fratribus archi- episcopis et episcopis ac dilectis filiis abbatibus etc. Ex parte dilectorum filiorum magistri et fratrum hospitalis sancte Marie Theutonicorum Ierosolimitan. nobis gravis est oblata querela, quod nonnulli nobiles, milites et laici ab eis pro claudendis villis et castris ac erigendis munitionibus subsidium pecuniarum contra iustitiam exigunt, quod si non dederint ab eis auferunt violenter. Cum autem bona dictorum magistri et fratrum sint per totum deputata redemptons obsequiis, pro cuius attollendo nomine ipsi nec rerum sustinere dispendium nec subire metuunt pericula personarum, discretioni vestre per apostolica scripta mandamus, quatinus nobiles et alios supradictos, quod ab in- debita illorum super premissis molestatione desistant, monere attentius et inducere procuretis, eos ad id si necesse fuerit per censuram ecclesiasticam appellatione postposita compellendo. Non obstante si aliquibus a sede apostolica sitindultum, quod suspendi vel interdici aut excommunicari non possint, nisi de indulto huiusmodi sibi concesso plena et expressa in nostris lilteris mentio habeatur. Datum Lateran., m. id. febr., ponti- ficatus nostri anno undecimo.