Kunt si allen luden die disen geinwurtigen brief sehent oder horent lesen, daz ich . . Hermann Zacharies burger zu Covelentze unde . . Gutta myn eliehe husfrawe mit vurbedach

407

tem mude unde mit samender hant verkouft han unde ver- keuphen in disem geinwurtigen briefe den ersamen geistlichen luden unde herren deme commenduyr unde den herren ge meinlichen des Dutschenhusis zu Covelentze achzehen schillinge cinses alse zu Phaffendorf genge unde gebe ist, uf sente Wal- purge dag allewege zu bezalene, von unserm wingarten gele gen in dem vlore daz der Kamhart ist genant, unde an der ubersten siten geyn Horicheim Nesa von Bechele unde uf die anderen siten Katherina unde Elizabeth gesustere genant Hu- noldis wingarten ligende hant, umbe zwenzich marc, achzehen penninge myn, die uns die herren vorgenant zu unserm wil len gentsliche unde wol bezalen hant. Daz dit stede unde veste sy, so han wir . . Hermann unde Gutta zwei eliche lude vor genant gebeden dy scheffenen zu Phaffendorf, daz sie zu eyner gantzer sicherheit diser vorgeschribenen dinge durch unser bede willen ir ingesigel an disen breif wollin hayn. Unde wir die scheffenen vorgenant bekennen daz wir zu eime gezuge alle diser vorgenanten vorwurthe durch bede willen Hermannes unde Gutten me genant unser ingesigel an disen brief gehan gen. Hir uber was Winant der alde scholtheize, Peter Oley unde Winand Klockener scheffene. Datum anno domini m.ccc.xl octavo, in die beati Georgii martiris.