Wy broeder Dirck van Hollant, commanduyr van Covelents en lantcommanduyr s' Duytsen huys van Utrecht, make kond allen den genen, die dese letteren sullen hooren lesen, dat wy ons enget hebben om beede eens mogenden heere grave Willaems van Hollant, ene kapelrie te verdienen in de kerke

\

433

tot Leyden, ende een ander om bede eersamer luden, als de schoute en der schepenen van Leyden, in die selve kerke te verdienen tonsen wederseggen, in dusdanigen maniere, dat die capellane soo wie sy syn, sonder commemoratie, ende te ge- nen sonderlingen outaren, maar in die voorn. kerke simpel haar misse spreken sullen, als het hem godt gevet, en die en sullen sy niet beginnen voor den offertorie, noch sy sul len tot imants grave gaan, noch den sieken met onsen bee ren begaen, noch over haer testament wesen, noch der pro- chianen biechte hooren, noch kindern kersten, noch dooden graven, noch en gene offer behouden, dat offer sall wesen den papen van der kerke tot Leyden, noch dergelyke stuk- ken doen, daar die kerke schade af hebben mach, ten sy by bevelle en gehengenisse der papen van der kerke tot Leyden. In oirconde desen voorsz. brieve besegelt met onsen segell. Ende gegeven in den iare ons heeren als man schreef м.�?�?�?.m., des vrydachs naar sent Victoris dage.