Alexander etc. Dilectis filiis magistro et conventui hospi talis sancte Marie Theutonicorum Ierosolimit. etc. Pie conver- sationis et vite vestre merita nos inducunt ut desideria vestra in hiis que digne possumus affectu benevolo compleamus. Sane divinum officium quod secundum ordinem dilectorum filiorum fratrum Predicatorum in ordine vestro ex concessione sedis apo

153

stolice prout accepimus observatur, ad quamdam formam secun- dum deum religioni vestre congruam et salubrem per quosdam ex fratribus vestris clericis viros utique timoratos et providos ac in spiritualibus circumspectos cum magna diligentia et vigi- lante studio est redactum. Nos itaque vestris supplicationibus inclinati, quod in hac parte factum est, ratum habentes et fir- mum, id auctoritate apostolica de certa scientia confirmamus et presentis scripti patrocinio communimus, districtius inhibentes ut de predicta forma ipsius officii que ad presens in eodem ordine vestro servatur, nullus sine consensu maioris et sanioris partis vestrum aliquid de cetero innovare et immutare presu- mat. Irritum etiam et inane decernimus, si contra huiusmodi confirmationem et inhibitionem nostram secus fuit attemptatum. Nulli ergo omnino etc. Datum Laterani, m. kal. martii, pon- tificatus nostri anno tertio.