Henricus dei gracia lantgravius Thuringie et Saxonie comes palatinus. Omnibus presentem litteram inspecturis in perpe- tuum. Quoniam labilis est humana memoria, congruum est et espediens, racionabiliter gesta fideli scripturarum testimonio recommendare. Noverint igitur universi quod cum dilectus frater noster Conradus divino accensus zelo legeque privata sancti spi- ritus ductus et inspiratus se ordini fratrum domus Theutonico- rum devovisset, nos in manus venerabilis domini C. Hildens- hemensis episcopi, eiusdem C. fratris nostri necnon B. abbatis in Buch et D. prepositi in Frankenhusen fide data promisimus, domui Theutonice in remissionem peccatorum nostrorum dare et assignare, ubi iam dictus frater noster in bonis nostris ele- gerit, redditus trecentarum marcarum argenti, libere et sine omni onere, nullo prorsus advocacie aut quolibet alio iure nobis

in eisdem reservato, sed omni pleno et integro iure

possessionem earundem in domum Theuton. iam predictam trans- ferendo. Insuper in manus eorundem nos obligavimus bona fide, omni dolo et captione cessantibus, eadem bona stabilire firmare roborare ac warandare, ubicunque domui fuerit opor- tunum expedire. Preter hec autem sub eadem astrictione — fidei — — promisimus assignare prefato fratri nostro, aut qui- bus ipse volet suo nomine, in bonis nostris vacantibus redditus

102

quadringentarum marcarum usque ad receptionem trium milium marcarum ex eisdem, in solutionem debitorum ipsius, omni prorsus a nobis vel nostris heredibus medio tempore in eisdem bonis impedimento cessante, sed eorum possessione libere apud eos, quibus ipse assignaverit, remanente. Ad perpetuam itaque huius rei geste memoriam ne ulla super premissis ambiguitas oriatur vel questio moveatur presentem paginam super predictis conscriptam, domini nostri prememorati episcopi, nostro, ab- batis et prepositi prefatorum munimine sigillorum fecimus ro- borari. Actum Northusen, anno domini m.cc.xxxiiii., indic- tione octava, m. idus octobris.