235

Nos capitulum Coloniense. Notum facimus universis presentes litteras visuris, quod curtim nostram in Bovenheim cum omnibus attinenciis ad eandem, videlicet in villis Mendich et Overengers et in aliis locis quibuscunque, cum omni eo iure quo nos ean- dem hucusque possedimus, viris religiosis commendatori et fra- tribus domus Theutonice in Confluencia dyoc. Treverensis, pre- sencium conservatoribus, de consensu reverendi patris et domini nostri Syfridi dei gracia Coloniensis archiepiscopi vendidimus pro certa summa pecunie, videlicet viginti quatuor marcis Co- loniensium denariorum nobis ab eisdem numeratis, traditis et assignatis et in usus ecclesie nostre conversis. Et eidem curti cum eisdem omnibus attinenciis renunciavimus et effestucavi- mus, renunciamus et effestucamus ad usus et perpetuam posses- sionem commendatoris et fratrum domus Theutonice predicto- rum. In cuius rei testimonium presentes litteras, tam predicti reverendi patris domini nostri Coloniensis archiepiscopi et ve- nerabilis viri Th. maioris in Colonia decani et archidiaconi, qui tempore venditionis obedientiarius extitit dicti loci, ac nostro sigillis signatas, eisdem fratribus duximus concedendas. Nos vero Syfridus dei gracia sancte Coloniensis ecclesie arrhiepisco- pus predicte venditioni consensum adhibentes, ad petitionem dictorum decani et capituli Coloniensis sigillum nostrum apponi fecimus huic scripto. Datum anno domini millesimo ducentesimo octogesimo, feria quarta ante festum beatorum Viti et Mo- desti.