In nomine sancte et individue trinitatis, amen. Henricus nobilis de Isenburch omnibus presens scriptum intuentibus in

49

perpetuum. Quoniam ea que intuitu devotionis et pauperum consolationis pie a Christi fidelibus fiunt solempniter ac pruden- ter, debent merito scriptis commendari, ne oblivio inimica me- morie et successorum iniquitas possit ipsis in posterum obviare. Inde universitati vestre volumus innotescere, quod nos ad ho- norem domini nostri Ihesu Christi atque piissime genitricis sue Marie necnon et omnium sanctorum contulimus consensu uxoris nostre Irmengardis et liberorum nostrorum libere et absolute in subsidium et sustentationem pauperum ac Christi militum fra- tribus hospitalis domus Theutonicorum sancte Marie in Irlm. omne ius quod in ecclesia de Moirle et ecclesia de Hoilzburch ad ipsam pertinente possedimus, ut divina remuneratio tempore districti examinis ipsam dignationem nostram dignetur sua clemen- tia recompensare. Ut vero hec donatio nostra stabilis et firma in perpetuum perseveret nec possit malitia alicuius heredis nostri retractari, presentes litteras fecimus nostro sigillo et denotatione qui interfuerunt testium communiri.

Testes autem donationis nostre solempniter facte sunt hii: Venerabiles domini nostri Theodericus Treverensis, Engelbertus Coloniensis archiepiscopi. Heinricus prepositus in Kyrpene. Cun- radus prepositus in Gemunde. Laici quoque: Heinricus dux Brabantie. Theodericus de Muinchusen dapifer, Hermannus de Alftre marescalcus domini Coloniensis. Warnerus Pleiz et Win- gandus de Linpurch. Wigandus de Weltisberch, et alii quam plures tam clerici quam laici.

Acta sunt hec in solempni curia Frankenvort. Anno incar- nationis domini m.cc.xx. , pridie kalendas maii.