Ich Coenraet von Schonecke der alde, ritter, doen kunt offenlich in desem brieve, daz id mit minen geheucknisse und willen is, daz Rulle von Pedernache, der min man ist und mir zco gehoert, bi dy Dutschen herren zo Kovelentze komt und ir broder wirt, und ich keyn recht von yme und von syme gode und lutterlich durch gods willen immerme gevorderen en wil, und gheven den vorgenanten herren Rullen vorgenant vri und ledich mit sime gode. Und des zu urkunde so hain ich Conraet von Schonecke vorgenant den vorgenanten her- ren desen brieff gegeven besegelt mit mime ingesigele. Da- tum anno domini millesimo trecentesimo sexagesimo quinto, prima die mensis iunii.