Henricus dei gratia lantgravius, dominus terre Hassie. Uni- versis presentem paginam audituris in omnium salvatore salu- tem. Revoluta sepe ante mentis nostre oculos devotione quam venerabiles fratres domus Theutonice avie nostre recolende memorie beate Elisabeth semper exhibuerunt et exhibent, tanto nos ipsis teneri propensius recognoscimus quanto eorundem puritatem fidei cognovimus, ita quod nullo in tempore hoc ut dignum est a nostra memoria labatur. Recommendatum ita que habentes totum ordinem predictorum fratrum sed specia- liter domum et locum in Marpurcb ubi avia nostra feliciter requiescit, tam fratres quam domum ipsam in nostram protec- tionem recepimus; fideles nostros generaliter singulos et sin- gulariter universos rogantes attentius et volentes quatenus fra tres et locum ipsum una nobiscum omni favore amplectere studeant et effectu, quibus quidquid amoris honoris et com- modi impenderint totum nobis reputamus utique impensum. Nos igitur, detractionibus invidorum obviare volentes et ora obstruere loquentium iniqua, donationes omnes a predicta beata Elisabeth et felicis memorie Henrico et Conrado, patruis re verende domine et matris nostre Sophie filie beate Elisabeth antedicte, necnon et Hermanno avunculo nostro filio sancte Elisabeth sepedicte, prefatis fratribus factas et domui, quas ipsi fratres hucusque in possessione libera habuerunt, una cum do mina et matre nostra supradicta ratas habentes et confirmantes sigillorum nostrorum munimine presentem inde conscriptam pa ginam roboramus.

Testes huius rei sunt: Waltherus capellanus noster. Fr. Ludewicus de Novo Castro. Iohannes Aureus. Rupertus dapifer. Godefr. marscalcus. Senandus scultetus, milites. Ludewicus de Vronhusen. Hermannus Dens; Henricus de Battenfelt, scabini in Marburg, et alii quamplures fide digni.

Actum et datum anno domini m.cc.lxv., iii. non. decembris.