Universis etc. Nos Arnoldus dei gracia abbas totusque conventus monasterii sancti Martini in Colonia volumus fore notum quod nos provida deliberatione prehabita quedam bona nostra videlicet vineas nostras cum earum attinenciis in parochia ville dicte Lutzellinkovilenze sitas penes vineam venerabilium virorum . . commendatoris et fratrum domus Theutonice in Con- fluencia apud montem seu locum dictum Leye ad nos nostrum- que monasterium pertinentes permutavimus et in hiis scriptis permutamus cum predictis venerabilibus viris . . commendatore et fratribus domus Theutonice antedicte pro quibusdam bonis et vineis eorum scilicet pro quadam pecia vinee in parochia [ville] dicte Wirse super Mosella site penes ortum quondam Wynandi dicti de tribus molendinis et item pro quadam alia vinea in eadem parochia sita in loco qui vulgariter diciter amme Hamme quam dicti fratres erga Iohannem dictum Hornt et eius uxorem comparaverunt et nichilominus pro quadam alia vinea que est contigua predicte vinee site in me Hamme; necnon et pro duodecim denariis hereditarii et perpetui census qui de quadam vinea eorum sita in predicto loco videlicet in me Hamme persolvitur; ac insuper pro duabus peciis vinearum sitarum in villa dicta Winningen quas dicti fratres erga quendam Henricum dictum Almechtichgat et eius uxorem emerunt, liberas a solu- tione decime et peticionibus dicte bede; et tenore presencium damus eisdem commendatori et fratribus corporalem possessio- nem vinearum nostrarum predictarum in Lutzellinkovilenze cum earum attinenciis prout ad nos hactenus pertinuerunt, eo quod ipsi nobis econverso possessionem pacificam bonorum suorum predictorum assignaverunt prout in litteris super hoc confectis plenius continetur. In cuius rei testimonium nos abbas et con- ventus sigilla nostra presentibus litteris duximus apponenda. Datum et actum anno domini M.ccc. quintodecimo, in vigilia beatorum Symonis et Iude apostolorum.