Wir Cristian van Binzvelt commendur und die brudere gemeynliche des Dudeschen huses zu Covelentze uff eyne site, und wir Gobele genant Friheit, Siferd Walpode, Gerlach ge nant van Lysere, rittere van Andernache, und die andern er ben zu Ochtending, Rychwin genant Piich heimburge und die gemeynde samencliche des dorfes di selbis, uf die andere site, dun kunt allen luden und erkennen uns an diesem uffenen brieve, dat wir van beiden siten mit unserm wist und willen van allen tzweyungen und dedingen, die thuschen uns bis uff disen hudigen dag gewest oder erstanden sint umb dat be- genkenisze dat uff der gemeynden van Ochtending by der Net ten und anderswa nuweliche ist geschiet, genzliche und gut liche overmitz den erberen luden, dem strengen rittere hern Iohanne herren zu Eltze, amptmanne zu Monsteremeynevelt, Thilen Welthers sone, kellnere unsers herrén van Trere, und Iohanne Mattine, underamptmanne zu Monstere vorgenant, scheffenen da selbis, gesat geschliszen und gescheiden sin, also, so wat dem . . commendur und den broderu des Dude schen huses vurgenant an der mulen und an den guden, die bis her dar zu gehorich sint gewest, an den gemeynden, die mit der mulen geluwen wurden, an dem heuwehuys, an wisen, an wegen enbinhen und enbuszen des dorfes und an andern

412

yren guden, wie man die nenhen mach, da wir die erben und die gemeynde vorgenant uff dem begenkenisze uns rechtis ane vermaiszen, abe gegangen ist, dar uff ban wir, die erben, der heymburge und die gemeynde vorgenant, vor uns und vor alle unse nakomenden gentzliche vertziegen, unde vertzigen luter- liche an diesem brieve, und sollent die selben commendur und brodere des Dudeschen huses vorbenamet in allen yren guden, enbinhen dem gerechte und gemeynden van Ochtending gelegen, die in abegegangen oder nicht abegegangen sint, gerechliche und mit friden verliben sitzen als sie bis her ge- seszen hant, und der genieszen und gebruchen, ungehindert, ungeengit und ungedrengit eweliche und umberme, van uns und van unsen nakomenden oder van ymanne anders van un- sern wegen. Und dar umb sollent si uns volleisten zu der kost die uff dat begenkenisze geschiet is, mit echte und zwen- tzig marken penninge Ochtendinger werungen, die sie uns ge ben sollent, eyns zu diesem male und nicht me, die wir, erben, heymburge und gemeynde van Ochtending van dem commendur und den brodern des Dudeschen huses vorgenant gentzliche entphangen han an gereidem gudem gelde, und in unsen gemeynen nutz gekerit, ee diesz geuwurtige brieff ge macht wurde und gegeben. Vort sollent ouch die selben . . commender und brodere des Dudeschen huses vorbenamet der kyrchen van Ochtending zu der oisterkertzen, eweliche, um berme und alle iar uff den palmen avent, von dem gude dat in abegegangen ist in dem begenkenisze, ses pont waszes zu den zweyn ponden, die sie vor schuldig waren, geben antwr- ten und betzalen, Ouch sollent die selben commendur und brodere egenant uns den erben, dem heymburgen und der ge meynden van Ochtending, van des selben begenkenisze wegen, eynen ewelichen erflichen wech laiszen zu yrem minstem scha den , uff gen site und uff diesite der Netten, und sal ouch die nette uffen verliben allewege, dat vehe uff und abe zu dribene ane argelist, wie dat begriffen und gemerkit ist, ee diesz brieff gemacht wurde und gegeben. Und wir der com mendur und die brodere des Dudeschen huses vorgenant uff eyne site, und wir die erben, der heymburge und die gemeynde vorbenamet uff die ander site vergehen uns vor uns und vor alle unse nakomenden, dat wir eyndrechtliche und gutliche overmitz den erbern luden vorgenant gesliszen und gescbeiden

413

sin in aller der maiszen als hie vor und her na steit beschrie ben, alle argelist und geverde uz gescheiden. Zu eyner ewiger ste- dicheit dieses bescheides und aller diesz vorbenameder sachen han wir die parthien vorgenant van beiden siten samencliche gebieden diese erbere lude vorgeschrieben, hern Iohanne herren zu Eltze, hern Gobelen Friheit, hern Siferde Walpoden, hern Gerlache van Lysere, rittere, Thilen Welthers sone und IohanneMattin, scheffenen, dat sie diesen brieff mit yren ingesigelen hant be- sigelt. Und wir Iohann Gobele, Siferd, Gerlach, rittere, Thile und Iohan, scheffenen, egenant, erkennen uns, dat wir umb fleliche bede der parthien beider vorgeschrieben unse ingesigele zu getzuge der warheide aller der vorbenameder dinge ge hangen han an diesen brieff. Der gegeben ist in den iaren un sers herren dusent druhondert und ses und vonfeig, uff der zweyer heyliger apostolen sente Symons und sente ludas event.