LXXXI.

1264.

Stephanus, Dei gratia iunior rex Vngarie, dux Transil vanus, dominus Cumanorum, omnibus presentes litteras conspecturis salutem in Domino salvatore. Regia pietas singulorum merita tenetur inspicere oculo pietatis, et ipsos invitare ad fidelitatis opera muneribus dona- tivis, ut eorum exemplo alii ad obsequia perpetue fidelitatis ardencius incitentur, et solercius famulentur. Proinde ad universorum noticiam harum serie volumus pervenire, quod quum Hazos comes nobis et regno nostro a primeuis etatis sue temporibus in multis seu diversis articulis fideliter servierit et indefesse, personam suam aut suorum fortune casibus exponere minime formidando, nos in recompensati- onem seruitiorum eiusdem, quamquam pro modico reputemus, quod ad presens agimus, respectu horum, que facere intendimus, eidem et suis heredibus heredumque successoribus terram Nazwod, que, sicut per Both maiorem exercitus castri nostri de Wolko quem ad reambu- landam et inquirendam ipsam terram transmiseramus, intelleximus, fuit terra sine berede decedentium vexillum nostrum deferentium, vacuam tamen, et habitatoribus carentem cum omnibus utilitatibus et pertinenciis contulimus perpetuo et irrevocabiliter possidendam. Et ne in posterum processu temporis per quempiam possit vel debeat in irritum revocari, presentes concessimus litteras, dupplicis nostri sigilli munimine roboratas. Datum per manus magistri Benedicti, prepositi Orodiensis, aule nostre vice-cancellarii, anno Domini mille- simo ducentesimo sexagesimo quarto.