CLI.

1289, 18. September.

Ladizlaus dei gracia Hungarie, Dalmacie, Croacie, Rame, Servie, Gallicie, Lodomerie, Cumanie, Bulgarieque rex. Omnibus Christi fide- libus presens scriptum inspecturis, salutem in salutis largitore. Vt collaciones principum perpetua firmitate solidentur seu fulciantur litterarum solent testimonio communiri seu perhennari. Inconcussum quippe permanet, quod regio patrocinio communitum, proinde ad uni- uersorum tam presencium quam futurorum noticiam harum serie volumus peruenire. Quod nos consideratis fidelitatibus et meritoriis seruitiis Siculontm nostrorum super terra Oronos commorancium seu residencium, que primo domino regi Stephano patri nostro karis- simo et per consequens nobis cum summo ardore fidelitatis lauda- biliter exhibuerunt, ut fideliter, sie devote, que quidem per singula

148

suo modo longum esset enarrare et fastidium generaret, sed qaedam de Odelitatibus et meritoriis seruicijs eorundem Siculornm presentibus fecimus inserenda. Sane nam cum Cumani versi in perfidiam anso temerario eleuato vexillo crimen lese maiestatis non formidantes in Hovd contra uostram personam insurrexerant et convenerant ijdem Siculi dubios euentus fortune non verentes nobis cernentibus contra ipsosCumanos et aciem eorundem se viriliteret laudabiliter opposue- runt, et in eodem prelio nobis multipliciter meruerunt complacere. Preterea cum perfida gens Turtarorum regnum nostrum hosüliter et crudeliter adijsset, et maximam partem regni nostri vastibus duris et spolijs peragrasset, ac infinitam multitudinem incolarum regni nosiri in sua feroci captiuitate abduceret et ijdem Tartari spolijs boais et rebus regni nostri honerati, ad propria remearent predicti Sieu'i contra insultum et rabijem eorundem Tartarorum pro liberaciooe patrie gentis sub castro Turuskon se \iriliter obiecerunt, et contra eosdem Tartaros laudabiliter dimicarunt, et in eodem conflictu vltra quam mille homines de miserabili et enormi captivitate eorundem Tartarorum liberarunt. Nos itaque qui ex officio suscepti regiminis metiri debemus et pensare merita singulorum, et vnicuique respon- dere iuxta exigenciam suorum meritorum, recensentes graciosa et laudabilia seruicia eorundem Siculorum domino regi Stephano et nobis exhibita, terram castri nostri de Torda Oronos vocatam iuxta fluuios Oronos et Morus existentem, quam primo idem dominus rei Stephanus, iisdem Siculis contulerat prediclis Syculis et suis heredi- bus heredumque suorum successoribus in recompensacionem fidelium seruiciorum ipsorum Syculorum, et pro octoginta equis quos ab eis- dem Siculis in nostra necessitate recepimus, cum omnibus vtilitati- bus et pertinencijs suis dedimus et contulimus et eciam tradidimas jure perpetuo irrevocabiliter possidendam. Vt igitur huius nostre col- lationis series robur obtineat perpetue firmitatis, presentes conces- simus litteras, duplicis .sigilli nostri munimine roboratas. Datum per manus venerabilis patris Gregorü Dei gracia episcopi Chenadyensis aule nostre vicecancellarij dilecIi et fidelis nostri, anno domini M°.CC°. octuagesimo nono, quarto deciimo kalendas Octobris regni autem nostri anno decimo octauo.

149