XXV.

1224, 28. Apr. Rom.

Honorius — archipresbitero et clero ac populo terre Boze, et vltra montes niuium. — Quantam de vobis geramus sollicitudinem, et quanto aflectu ad incrementum vestrum, ac tranquillitatem et commo- dum intendamus, ex eo potestis colligere manifeste, quod vos et ter- ram vestram in ius et proprietatem ecclesie romane suscepimus, et nonnullis libertatibus curauimus communiri, sicut apostolice littere, quas super bis dilectis filiis — magistro et fratribus hospi- talis S. Marie Theutonicorum Jcrosolymitani, dominis dicte terre concessimus, vos potuerunt plenius edocere. Monemus igitur vniuersi- tatem vestram, et hortamur in domino, per apostolica vobis scripta man- dantes, quatenus sicut ecclesie Romane filii, speciales de gratia noslra et fauore securi, bis, que ad diuini nominis cultum et dilatationem pertinent populi Christiani, tota studio toto sollicitudine intendentes, inter vos seruetis vinculum mutue cbaritatis et pacis, per quam et parue res crescunt, et magne in sua magnitudine conseruantur. Cum autem alique inter vos questiones emerserint, que auctoritatem eccle siasticam iudiciumue requirant ad archipresbiterum vestrum, quem

26

ad hoc ipsuim prefici fecimus, recurratis, vt questionibus istis per sollicitudinem eius concordia, iudicioue sopitis pax et tranquillitas vestra inconcussa seruetur. Vnde vulumus, et vobis iniungimus auctoritate prescripta, v t eidem archipresbitero, cui corrigendi excessus omnium vestrum, et specialiter clericorum concessimus potestatem, tanquam pastori vestro, reuerentiam congruam exhiben- tes, salubribus monitis, et mandatis ipsius intendatis et obediatis bumiliter et deuote. Datum ut supra. Laterani V. kal. Maji anno octauo.