Chu^onradus dei gracia Pataviensis episcopus cunctis ecclesie sue Christique^a fidelibus salutem in perpetuum. Sicut ex bona intentione deo vovenda sunt et exsolvenda caritatis opera, sic etiam quando soluta fuerint, ne in oblivionem veniant, aliqua confirmationis^b vota diligenter sunt posterorum memorie transmittenda. Huius rei gracia in presenti pagina presentibus pariter et futuris Christi fidelibus notificamus, qualiter quidam germani fratres, beati protomartyris Stephani ministeriales^c de ecclesia sancti Odalrici, Rodebertus, Diemo, Willihelmus^d predium quoddam quod in eadem^e villa visi sunt possedisse sue suorumque predecessorum salvationi consulentes, canonicis Sancti Ypoliti quandoque post obitum suum in oblationem et augmentum prebende contulerunt et ad hoc consensum meum, sine quo tradicio illa fieri non poterat, ipsi pariter donatores et, quibus datum est illud predium, prememorati fratres facili peticione optinuerunt. Inde est quod et nostrum in hac re consensum et predictorum oblationem virorum corroborare cupientes noticiam hanc in presentia fidelium nostrorum in domo sancti Floriani conscribi fecimus^f et sigillo nostro infra sicut evidens est corroborari. Acta sunt hec anno post incarnationem domini millesimo CLVII^g, anno vero episcopatus nostri octavo, ^h imperante domino augusto Friderico anno imperii sui V.i Testes sunt, ex nobilibus quidem et liberis: Hallensis comes Engilbertus et suus eiusdem nominis filius, Adalrammus de Chamba, Oˇdalricus de Ecclesia Sancte Marie; ex ministerialibus vero nostris: Otto de Strubine cum fratre suo Engilberto, Hartmodus^k pincerna, Ru^odegerus iudex, Porn cum fratre suo^l Rodigero de Holzhusin.

Source Fulltext: LAMPEL, Urkunden Sanct Pölten (=FRA I, Wien 1981) S. 10