Wi^er Ekhart von gottes genaden probst von Sant Pölten und die hernach genant sind, verjehen . . . . . , das wir alle die zehent di her Hainrich Alram hinder im hat lazzen, die sint . . . . ,^a mit guetleichen willen beschaiden also, halber seinem sun Olramen und halber seinem aidem Ulreichen, also beschaidenlich daz si mit dem zehent, den Margret hat, und noch haben soll, daz^b si darauf dehain ansprach schullen haben. Wir haben beschaiden, daz man der vorgenanten frowen geb zu^c einem iegeleichen jar zwen chessel chroutes des vorgenanten zehent . . . . . Daz^b sin die schidleuete: unser herre her Ekhart der probst von Sant Pölten und her Ulreich des Vezen aidem‚ her Chunrat der Nendorfer‚ her Engelschalch und her Olram in der Chlostergazzen^d etc. . . . Daz^b ist geschehen, da von Christes gepuerd sint gewesen dreizehen hundert jar in dem andern jar, an sant Ambrosen tag. Und den prief sol man legen in dem sagrere^e1 des chlosters zu einer urchunde.

Source Fulltext: LAMPEL, Urkunden Sanct Pölten (=FRA I, Wien 1981) S. 205