Ich Hainr. von Kswentt und ich Fridprecht von Sicherpach und Fridprecht mein sun und Seifrid mein prueder von Sicherpach tuen allen den chunt, di disen prief an sehent oder hoernt lesen, di nu sind oder her nach chuenftig werdent‚ das wir mit unserm guetem willen und mit verdachtem^a muet sein gestanden von dem chrieg und von der ansprach di wi^er heten^b gegen dem hof dacz Geswendt, der der Vorsthof^c haizzet‚ und von allem dem, das zu dem vorgenanten hof gehoert. Und dar umb hat uns gegeben der erbaer herr probst Ekchard von Sand Poelten und sein sammung vierzehen phunt wienner muenz. Und wellen auch des selben hofs und alles des‚ das dar zue gehoert , des vorgenanten probsts und seiner sammung dacz Sand Poelten gewer und scherm sein fuer alle di erben, di den vorgenanten hof an sprechen wellen, an fuer die zwen her Chuenr. und Hainr. sein prueder, di den vorgenanten hof dem vorgenanten probst und seinem gotshaus dacz Sand Pölten vor ze choeufen habent gegeben. Und daz dise red staet und ewig bleib, hab wier den vorgenanten probst und seiner sammung disen offen prief gegeben, und, wand wi^er nicht haben aigner insigel, hab wier gepeten die hern, der insigel man siecht hangen an disem prief, das si denselben prief versiegelt habent mit iern insigeln zu ainerd uerchuend und zu ainer^d offnung diser red. Darzue sind gezeugen dicz^e dinges: her Hainr. von Reicholsperg, her Herbort von Wielandstal, her Albr. der Gnæwzz, Albrecht von Pisleinstorf,^f Ott der Duerr, Peter richter in der stat dacz Sand Poelten, Ulr. des U^oczen aidem, Engelschalich des gotshaus amman dacz Sand Poelten, Chuenr. der Nendorffaer, Marichart pei dem tor, und ander leuet genueg, den dise^g ding chunt und gewizzen ist. Und ist dicz^g dinch geschehen und diser prief gegeben dacz Sand Poelten, do von Christi gepu^erd waren ergangen tausent jar dreuhundert jar in dem dritten jar, an sand Goerigen^h tag.

Source Fulltext: LAMPEL, Urkunden Sanct Pölten (=FRA I, Wien 1981) S. 208-209