Ich Markhart von Tiernstain und all mein erben wier verjehen und thun khund allen den die disen brief sehen oder lesent oder herent lesen, die nu lebent und hernach khinftig sind, das ich ain weingarten het khauft von Albern den Sprinczpegkhen^a und von Vlrichn dem Capelan und von allen iren erben, der da gelegen ist under Liechtenstain und haist der Goder; und haben denselben weingarten und den khauf lassen herrn Jansen dem spitalmaister und corherrn zu Sandt Pöltn in alle dem rechtn als wier in khauft haben, und verzeichen uns der ganz und gar mit urkhund des briefs und geben im daruber den brief versiglt mit unsern aigen anhangunden insigl. Der brief ist geben datz Sandt Pölten, da von Christes geburd ergangen waren 1354 jar, an sand Gilgen tag.

Source Fulltext: LAMPEL, Urkunden Sanct Pölten (=FRA I, Wien 1981) S. 449