In nomine domini; amen. Pateat universis presencium inspectoribus, quod nos Dietmarus prepositus monasterii sancti Ypoliti totumque capitulum nostrum canonicorum regularium sancti Augustini Pataviensis diocesis pro nobis nostrisque successoribus vice ac nomine nostri ac dicti monasterii nostri canonicis presentibus et consencientibus et ad hoc in capitulo nostri monasterii canonicorum nostrorum specialiter constitutis et congregatis fecimus constituimus et ordinavimus nostros veros et legittimos procuratores actores factores negociorum gestores ac sindicos speciales religiosum virum Cristoferum canonicum et professum monasterii nostri nec non honorabilem virum magistrum Petrum Fertonis de Nova civitate doctorem decretorum Salczburgensis diocesis presentes et mandatum in se sponte suscipientes ac eorum quemlibet in solidum, ita quod non sit melior condicio occupantis, sed ubi unus dimiserit alter incidere ac terminare valeat et finire, in omnibus litibus questionibus causis nostris et monasterii nostri predicti singulariter vel divisim, presentibus et futuris, civilibus et spiritualibus, motis vel movendis et coram quibuscunque iudicibus ordinariis vel delegatis, et specialiter in causa quam nos movemus ac movere intendimus venerabili et religioso viro domino Chunrado abbati monasterii in Tegernse eius demquea conventui monachorum ibidem ordinis sancti Benedicti Frisingensis diocesis suo monasteriique sui predicti nomine communiter vel divisim coram reverendis in Christo patribus domino Districo venerabili abbate monasterii in Chotwico et Chonrado decano in Chremse Pataviensis diocesis iudicibus a reverendo in Christo patre^a nostro. domino Gotfrido ecclesie Pataviensis episcopo ad hoc specialiter delegatis et deputatis super iure percipiendi dandi solvendi levandi et colligendi nostram ac monasterii nostri predicti decimam sew decimas^b nostri vini in parrochia Sancti Michaelis in Bachowia supradicte Pataviensis diocesis, dantes et concedentes ipsis ac cuilibet eorum in solidum plenam et liberam potestatem nostri ac monasterii nostri prefati nomine agendi defendendi, libellum sew libellos et quascumque peticiones dandum et recipiendum, litem contestandum, de calumpnia et veritate dicenda^c et cuiuslibet generis iuramentum in animas nostras prestandum, ponendum et articulandum, posicionibus et articulis alterius partis respondendum, testes instrumenta litteras et quascunque alias probaciones producendum ponendum articulandum ¹ . . . . . . . . . . . . . . . . . . . ac contra ipsam sew ipsas di cendum^d et impugnandum, testes partis adverse iurare videndum, contra ipsos et eorum dicta dicendum et reprobandum, crimina et defectus opponendum et probandum et exceptiones alias quascumque concludendum et partem adversam concludi videndum‚ sententiam sew sententias tam interlocutorias quam diffinitivas audiendum, appellacionem sew appellaciones interponendum ac prosequendum^e et innovandum, appellationes petendum, et recipiendum componendum transigendum^f et, si neccesse fuerit, beneficium restitucionis in integrum et absolucionis simpliciter et ad cautelam a quibuscumque sentenciis excommunicacionis suspensionis vel interdicti in nos vel ecclesias nostras de predictis^g prolatis sew in^h quoslibet ex nobis per dictos iudices sew iudicem vel auditorem latis, tociens quociens opus fuerit, petendum et obtinendum, et iurandum in animas nostras, detestando mandatis ecclesie sancte matris,² unum vel plures procuratorem vel procuratores loco ipsorum vel alterius ipsorum substituendum ipsosque revocandum et procuracionem ipsam in se ipsos vel eorum alterum resumendi, quociens eis vel eorum alteri visum fuerit expedire, et generaliter ad omnia et singula gerenda et exercenda que in premissis et circa premissa et quelibetⁱ premissorum necessaria fuerint et oportuna, eciam si mandatum exigant speciale, et que veri et legittimi procuratores actores et defensores facere possunt^j et de bent et que nos metipsi facere possemus, si personaliter interessemus, eciam si maiora essent quam in presenti mandato contineantur; promittentes nos gratum ratum et firmum perpetuo habituros, quidquid per dictos nostros procuratores vel eorum alterum aut substitutum vel substituendum sew substituendos ab eis vel ab eorum altero actum factum gestum vel ordinatum fuerit in premissis et singulis premissorum; volentes autem predictos nostros procuratores et eorum quemlibet ac substitutum ab eis vel ab eorum altero ab omni onere satisdandi relevare, promittimus nomine nostri ac monasterii nostri sancti Ypoliti prefati vice et nomine omnium quorum inter est vel inter esse potest iudicio sisti et iudicatum solvi in omnibus suis clausulis oportunis sub yppoteka et obligacione omnium bonorum nostrorum et monasterii nostri prefati. In cuius rei testimonium presentes litteras nostro conventusque nostri sigillorum munimine fecimus roborari in loco ubi solitum est capitulum nostrum congregari. Actum die decima mensis ianuarii, hora quasi vesperarum, anno domini millesimo CCCL octavo.

Source Fulltext: LAMPEL, Urkunden Sanct Pölten (=FRA I, Wien 1981) S. 485-487