Capitulum ecclesie Castriferrei omnibus Christi fidelibus presens scriptum cernentibus salutem in domino sempiternam. Quitquid in rebus temporalibus rite et racionabiliter peragitur, licet caduca sint et transsitoria, sapientum tamen inter est futura prospicere, ut, quando que in tempore aguntur, ne simul cum lapsu^a temporum de labantur. Proinde ad universorum tam presencium quam futurorum harum serie volumus pervenire noticiam, ^b quod magister Petrus filius Andree filii Andree de Agyagus de genere Osle^c comitatus Sopruniensis pro se et pro Johanne ac Anthonio filiis suis, quorum onus et gravamen, si infrascriptam suam assercionem et confessionem non acceptarent vel quandocunque processu^d temporum refutarent non acceptando, per omnia super se assumpmendo, ab una, parte vero ab altera religiosus vir dominus Ruegerus prepositus monasterii beati Petri apostoli de Horpach de predicto comitatu Sopruniensi, ordinis videlicet sancti Augustini regularium canonicorum, coram nobis personaliter constituti² predictum magister Petrus filius Andree confessus^e extitit oraculo vive vocis, eo modo ut, quia predictum monasterium beati Petri apostoli in predicta possessione Horpach vocata per predecessores suos fundatum et constructum extitisset ac idem predecessores sui sepulturam in eodem monasterio pro se elegissent^f ipseque in ipso monasterio verus et legitimus foret patronus, ideo ipse eidem monasterio ad laudem dei omnipotentis et virginis gloriose genitricis eiusdem ac beati Petri apostoli pro refrigerio et salute animarum omnium predecessorum suorum de medio sublatorum et successorum suorum ab hac luce decedencium nec non pro sua salute^g centum et octoaginta iugerua^h terrarum suarum arabilium minus duobus iugeribus terrarum in possessione sua Keer vocata indicto comitatu Soprunensi existenti a parte meridionali, scilicet iuxta metas possessionis Kiskeer vocate ab aquilone in uno ordine adia cencia et existencia dedisset donasset et contulisset, ymo dedit donavit et contalit coram nobis perpetuo et inrevocabiliter possidere, habereⁱ pariter et tenere, istomodo quod prepositus et alii sacerdotes in ipso monasterio nunc et pro tempore existentes pro animabus predeces sorum dicti magistri Petri et eciam aliorum omnium fidelium de functorum singulis septimanis seu ebdomodis^j feria setima^k missas celebrare teneantur, hoc inserto quod idem magister Petrus et filii sui supradicti ac successores eorundem predictum monasterium beati Petri apostoli et prepositum ac conventum eiusdem in dominio predictorum^l centum et octoaginta iugerum terrarum minus duobus iugeribus semper indempniter pacifice et quiete tanquam veri et legitimi patroni monasterii prenotati conservare et contra quoslibet^m defensare tenebuntur, sicut omnia et singula premissorum per eun dem magistrum Petrum filium Andree extitit ordinatum et voluntate assumptum coram nobis vigore presentium mediante. In cuius rei memoriam perpetuamque firmitatem et stabilitatem presentes concessimus litteras privilegiales pendenti sigillo nostro consignatas medioque alphabeto intercisas. Datum in festo beate Cecilie virginis et martiris, anno domini MCCC^mo quinquagesimo octavo, discretis viris magistris lodoco preposito et speciali cappellano excellentis principis domini Lodowici dei gracia regis Hungarie domini nostri, Hermanno custode‚ Dominico cantore et Damiano decano ecclesie nostre existentibus et iugiter famulantibus regi sempiterno.

Source Fulltext: LAMPEL, Urkunden Sanct Pölten (=FRA I, Wien 1981) S. 492-494