Ich Margret die Chaeterinn von Noppendorf vergich . . . daz^a ich meines pruder sun Vlreichen von Welmich und seiner hausvrawen und allen iren erben gegeben han . . . den hof ze Eyzendorf den im mein aidem Nyclo der Leydmer und Anna mein tachter, dem got genad, geschaft habent etc. Dar umb han ïch^b gebeten den erbern ritter herren Chunrat von Vreuntzhausen, daz er meinen herren hern Haydereichen von Meyssavv der zu den zeiten mein vogt gewesent^c ist, an meiner stat piten scholt, daz er in den ob genanten hof ze Eytzendorf westaeten schol durich meiner pet willen mit seinem insigels und mit dez vorgenanten herren Chunrat von Freüntzhausen insigel¹ in an schaden, wand ich aigens insigels nicht han und auch vor chranchait zu meinen herren von Meyssavv selb so verr chomen nicht machte. Der prief ist geben do von Christi gebuerd gezalt wurden dreuezehen hundert jar dar nach in dem sechzigistem jar, an sand Cholmans tag.

Source Fulltext: LAMPEL, Urkunden Sanct Pölten (=FRA I, Wien 1981) S. 508