Wier Ru^edolf der vierd von gotes genaden erzherzog ze Oesterreich, ze Steyer und ze Chernden, herr ze Chrain, auf der Marich und ze Partenawe, graf ze Habspuerch, ze^a Phyrtt und ze Kyburg, marichgraf ze Purgawe und lantgraf in Elsazze bechennen und tuen chunt offenleich mit disem^b prief,^c das di erbern U^elreich der Veirtager ze Sand Poelten und Weigant ze Sand Florian proebst und ier convent fuer uns choemen sind^d und uns beweisten^e und chlagten grozzen gepresten und schaden den sew hieten und næmen an iern weinzehenden den sew und ier paider gotshæuser habent in der Wachawe von dem Wattstain in di Muestnichk in sand Michels pharr, und in dem Mulbach von Elsarn unz gen Zeunikch in Rænachër pharr, do sew auch auf gestift sind, das ettleich dar inn wærn di in dhainen zehent^f gæben noch geben wolden, ettleich gæben in auch zehent nicht gænzleichen noch rechtichleichen und mit gevær, so verfuerten in auch ettleich di zehent wider ier wizzen und u^eber ier willen, und paten uns mit ganzer begierd, das wier in und iern gotshæusern die gepresten geruechten ze wenden und si dar inn besorigten mit unsern gnaden, und prachten auch fuer uns ier uerchuend di sew uber di selben zehend heten von pæbsten, von pischofen, von unsern vorvodern⁴ und auch von den von Chunring,^g di der Wachawe etteswenn gewaltig^h sind gewesen, und paten uns begierdleich durich got, das wier in unser vorvodern prief geruechten ze vernewen. Das tet wier als wier ze recht scholden, und gaben in unser prief, das in aller ier zehent an gevær von phaffen und von laien, von christen und juden scholt werden geraicht ganz und gar, als ier prief und ier bestætigung dar ueber sagent. Nu chamen sew dar nach aber fuer uns mit gueter chuntschaft und chlagten uns, wie sew aller ierr prief nach unsern genaden, di wier in und iern gotzhæusern getan haben mit der bestætigung, nichtes moechten geniezzen, das man in ier zehent rechtleichen wollt raichen, und chlagten auch uns vil unpilleicher chrieg, den sew menigerew jar heten getragen und besorigten, das ier gotshaeuser mit den chriegen also moechten verderben, und sagten uns, das sew sich des veraint hieten, das sew uns, unsern pruedern, unsern eriben und unsern nachchoemen jærleichen den zehenten tail weins willichleichen geben wolden aus iern chelrn ze vogtrecht ze unser vest ze Tyernstain aus allen iern zehenden dew sew habent in den obgeschriben gemerkchten,ⁱ also das der selbig tail iers zehents ze einer gedæchtnuezz der vogtai ewichleichen pei der selben vest ze Tyernstain beleiben scholt, dar umb das sew und ier nachkoemen fuerbas entladen wuerden aller chrieg^j und auflaeuf, di sew manig valtichleichen lange zeit habent gehabt^k unz auf disen heutigen tag als der prief geben ist, und paten uns durch got, das wier daz vogtrecht von in nemmen und das wier, unser prueder, unser eriben und unser nachchoemen ier helfær und verantwuertær wærn gegen allen læuten, ez wærn phaffen oder lain, also das ier gotshæuser von dirr chrieg wegen also icht verduriben und sew doch pei recht moechten beleiben. Nu haben wier fuer uns geladen juristen und geistleich rechtmaister, di uns pei iern trewn des beweist habent, das di obgenanten zwai gotshæuser nach ier prief sag in den obgeschriben gemerkchten rechtleich habent den zehent^l ze nemmen von allen læuten, und dar umb haben wier an gesehen got und die rechtichait, das einigleich Christenmensch gepunden ist ze geben seinen zehent gænzleich und ungeværdleich, das auch di gotshæuser und di phaffhait, di got dar inn dient, darauf gestift sind, das sew der leben schuellen und sich, ier convent und ier gesind damit bewaren und ier gastung und almuesen da von tragen und raichen schuellen. Da von mainen wier nach guetem rat unser lantherren den vorgenanten gotshæusern Sand Poelten und Sand Florian ier gepresten ze wenden und verpinden uns, das wier, unser prueder, unser eriben und unser nachchomen der vorgenanten gotshæuser helfær und scherm und verantwuertær gænzleich sein wellen und schuellen gegen geistleichem und werltleichem gericht vor allem gewalt und unrecht. Und da von so gepieten wier von erst ernstleichen^m pei unsern hulden und unsernⁿ genaden allen unsern amptlæuten, di verbesær sind unser weingærten in den ob genanten gemerkchten, das sew rechten zehent raichen und geben von allen^o weingærten di wier, unser prueder, unser^p eriben und nachchoemen haben oder gebinnen daselbs ganz und gar an alles gevær. Dar zue gepieten wier ernstleich und wellen auch vestichleich, das alle di in der vorgeschriben Wachawe und Mulbach in den obgenanten gemerkchten weingaerten habent, es sein bischoeff, aebpt prelæt oder ander gotshæuser phaffen, geistleich oder werltleich, edel oder unedel, christen oder juden, das sew von den selben weingerten zehent raichen und geben jærleichen gænzleichen und rechtichleichen an alles gevær, als sew durich recht schuellen und gepunden sind den obgenanten gotshæusern ze Sand Poelten und ze Sand Florian und auch iern amptlæuten und uns und unsern amptlëuten, und schuellen den raichen und wern in emmern, hæmen und vazzen pei den pressen. Wær aber das iemand den zechent nicht rechtleich gæb, so schol unser anwalt, wen^q di gotshæuser dar zue vodern von unsern wegen, oder ier amptlæut gen in aller læut chelr und da beschawen, ob in rechtleich sei der zehent gevallen, und was in des zehents aus lig,^r das schullen sew ervollen ||
gænzleich aus den vazzen. Und ob iemand des^s wider wær, es sein bischo^eff a\ebpt prela\et oder andrew gotshæuser, phaffen oder laien, edel oder unedel, christen oder Juden, di i/er chellr und i\er^t gemæch^u nicht auf worten^v sliezzen oder sich widersaczten, das si i\ern zehent nicht rechtleichen wolten raichen, dew schol unser pu^erkgraf ze Tiernstain oder unser anwalt dar zu^e no^etten und in auf stozzen i\er chelr und i\er gemæch und den rechten zehent dar aus mit gewalt nemmen und di selben pezzern vestichleichen nach îrn schulden mit grozzen wandeln ze unsern handen. Wer aber iemand der fu^er gæb und spræch, das er nicht zehent geben scholt von seinen weingærten, der pring dar umb sein u^erchu^end fu^er uns und swes er rechtleichen geniezzen schu^ell, das geschech. Auch gepieten wier, das niemand maisch most noch wein aus dem tal der Wachawe noch dem Mulbach noch aus den obgenanten gemerkchten fuern schol weder auf wazzer noch auf land noch uber Tuenawe, er hab sew dann emallen verzehent und er hab auch unsrew rechtew warzaichen, di wier und auch i\er gotshæuser mit sampt uns fu^erbas ja\erleichen⁵ dar u^eber geben werden; welich dar u^eber den zehent an willen und an rechtew warzaichen verfuernt oder sich wider unser gepot widerseczent, wie di genant sind, di schu^ellen den unverzehenden wei\en ga\enzleich haben verloren, wo man den vindet in unsern landen.; und von den selben weinen schol man den zehent vor aus nemmen und der u^ebrig tail schol ze unsern banden gevallen; und wu^erd man auch des gewar hinnach, das iemand seinen zehent haimleichen behalten oder verfu^ert hiet, den selben schol der obgenant zwai\er gotsha\euser anwald mit hilf des pu^erkgrafen ze Tiernstain und unsers richter in der Wachawe no^etten mit der^w hawen und arhait in den weinga\erten umb den zehent und umb di wandel, dar umb das sew^x den zehent wider unser gepot und wider das recht fra\eveleichen und unpilleichen habent behalten. Auch verpinden wier uns fu^er uns selb, fu^er unser prueder, unser^y eriben und fu^er unser^z nachcho^emen, ob wier di egenanten gotsha\euser nicht getrewleichen verantwu^erten und beschierm in allen wegen als wier uns vor^a* verpunden haben, so schu^ellen wi\er zehant vervallen sein in den zorn und ungenad des alma\echtigen gotes‚ den wi\er, unser pru^eder, unser eriben und all unser nachcho^emen dar umb pilleich furichten und besorgen schu^ellen. Dar zu welichen schaden sew und i\erew gotsha\euser unrechtleichen næmen||
||
von verreidung^b* unsers schierms, den sew geweisen^c* mu^egen mit chuntschaft, der selb schaden^d* schol uns, unsern pruedern, unsern eriben und unsern nachcho^emen ab gen an unserm vogtrecht des selben weinzehents ganz und gar, den sew an alle beswærung mit||
unser^e* gunst schullen behalten. Wer aber di wærn, unser selbs, unserr prueder, unser eriben und nachcho^emen amptlæut dienær oder wen wi\er dar zu^e schaffen^f* von unsern wegen, di dew vorgenanten gotsha\euser nicht getrewleichen^g* beschiermten vor allem gewalt und unrechten an i\ern zehenten und auch an unserm vogtrecht nach||
unser prief sag di sew von uns habent, di schullen vervallen sein, an all genad hundert phunt golts, di halb gevallen^h* schu^ellen in unser chamer und halb i\ern gotsha\eusern. Und schu^ellen auch i\er paide gotsha\euser und di phfarr^i* ze Sand Michel in der Wachawe pei îrn alten rechten und gewonhaiten beleihen, also das sew uns von i\ern pauweingârten di sew und i\erew gotsha\euser habent und gewinnent dhain vogtrecht nicht raichen noch geben schu^ellen. Diser sachh sind gezeug der erwierdig herr Johans bischof ze Gurk unser lieber chanzla\er und di erbern und geistleichen: abpt Johans von Melkch, abpt Clemens von den Schotten ze Wienn, probst Ortolf von Nevnbu^erch, und die edeln: graf Meinhart von Görtz unser lieber o^echaim und graf Ulreich von Cili zu den zeiten unser^j* houptman in Chrain, und unser lieben getrewen: Eberhart von Walsse von Lincz,^k* Stephan von Meissawe obrister marschalich. Alber von Pu^echhaim obrister druchsæcz, Haidenrei\ech von Meissawe obrister schenkch. Peter von Eberstorf obrister chamrer, Leutolt von Stadek unser lantmarschalich in o^esterreich, Eberhard von Walsse von Græcz, Fridreich von Aufenstain obrister marschalich in Chærnden und zu den zeiten houptman da selbs, Hainreich von Rappach unser hofmaister, Jans von Lo^esperg unser chamermaister. Hainreich der Prenna\er unser chuchenmaister. Eberhart der Chastna\er unser schenkch und Wilhalm der schenkch von Liebenberg unser speisrnaister und ander erba\er lëut genueg. Und des ze u^erchu^end geben wier den prief besigelten mit unserm grozzem fu^erstleichem insigel, der gegeben ist ze Wienn, am phinztag vor sand Kathrein tag, nach Christi gepu^erd dreuzehen hundert jar dar nach in dem zwai und sechzigistem jar, unsers alters in dem vier und zwainzigistem und unsers gewalts in dem fumften jar. † Wier der vorgenant herzog Ru^edolf sterkchen disen prief mit dirr underschrift unser selbs hant. † Et nos Johannes dei gracia Gurcensis episcopus prefati domini nostri ducis primus cancellarius recognovimus prenotata.^l*

Source Fulltext: LAMPEL, Urkunden Sanct Pölten (=FRA I, Wien 1981) S. 551-556