Wi^eer Ru^edolf der vierd von gotes genaden erzherzog ze O^estereich ze Steyer und ze Chærnden, herre^a ze Chrain, auf^b der Windischen marich und ze Portnawe, graf ze Habspuerch, ze Tyrol, ze Phiertt und ze Kybuerch, margraf ze Purgowe und lantgraf in Elsazzen bechennen und tuen chunt offenlich mit disem prief umb di vischwaid gelegen ze Maricharczdorf, di von uns ze lehen ist und die unser getrewn Pernolt der Chlingenfuertaer und Jans der Siernikcher den erbern und geistleichen . . dem probst und dem convent ze Sand Poelten, unsern lieben anda^echtigen, verchouft habent, als der prief sagt den si von in dar umb habent, das wier fuer uns selber, unser prueder und fuer all unser eriben und nachkoemen di aigenschaft der selben vischwaid und swas dar zue gehoert lauterleich durich got und durich unserr und aller unserr vordern^c selen trost und hail willen zu dem egenanten gotshaus ze Sand Poelten gegeben haben und geben auch, das si fuerbas allen iern frumen da mit schaffen muegen, ^d alz mit andern iern aigen guetern. Mit uerchuend dicz briefs besigelten mit unserm grozzem fuerstleichem insigel. Der sache sind gezeugen: der erwierdig bischolf Paul von Freysingen und unser getrewn lieben Leutolt von Stadekk unser lantmarschalich in Oesterreich, Chol von Sældenhofen, Hainreich von Montpreis, Jans von Losperch unser chamermaister, Hainreich von Ratpach^e unser hofmaister und ander erbaer herren ritter und chnecht. Der prief ist geben ze Wienn, an mëntag in den osterfeirtagen, nach Christi gepu^erd dreuzehen hundert jar darnach in dem drew und sechzigistem jar, unsers alters in dem vier und zwainzigistem und unsers gewalts in dem fuemften jar.||
† Wier der vorgenant herzog Ru^edolf sterkchen disen prief mit dirr underschrift unser selbs hant. †||
Et nos Johannes dei gracia Gurcensis episcopus prefati domini nostri ducis primus cancellarius recognovimus prenotata.

Source Fulltext: LAMPEL, Urkunden Sanct Pölten (=FRA I, Wien 1981) S. 571