Ich Fridreich der marschalch von Pappenhaim, ich Kathrey sein hausvrow und all unser erben vergehen und tu^en chunt offenlich mit dem brief allen den di^e in sehent oder hörent lesent, di nu lebent oder hernach chünftig sind, das wir mit wolbedachtem müt mit güetlichem willen und günst aller unserer erben, zder zeit da wir ez mit recht wol getün machten, recht und redlich verchaüft haben unsers rechten ledigen und vreins aigens unser vest ze Inning ganz und ungetailt, gelegen in der pfarr ze Hürben, der uns ettlicher tail von hern Otten von Zelking^a sêlig meiner obgenanten Kathrein vater gegeben ist, und dew auch wir von andern lau^eten gechaüft haben, und alles das paw wismad pawengërten und waid daz zu^e derselben vest datz Inning gehort. Darnach so haben wir verchauft alles das gelt und allen den dienst den wi^er gehabt haben auf den nachgeschriben guetern di^e alle in dem dorf dacz Inning gelegen sind, wie derselb dienst genant ist: von erst auf Hainreichs des Weyzzen hof, auf Hainreichs des Pawrn hof‚ auf Jansen des Sweintzer hof, auf Chu^enratz des Hosinger hof und auf Ulreichs des Mairs hof, darnach auf Fridreichs des Sweintzer lehen, auf des Wâchsen zwain lehen, auf Chunratz des Weizzen lehen, auf ainem halben lehen, das inwertz aigen ist zu der vest gen Peylenstein, darnach auf Chünrats des smides hofstat, auf Jansen des fleischakcher hofstat und auf Thomans des hüeter hofstat, darnach allen den dienst den wir daselbs auf uberlend akchern gehabt haben; darnach so haben wir verchauft mit unsers rechten lehenherren hant des hochwirdigen fursten bischof Albrechs von Pazzaw unsers rechten lehens daz wir von im ze lehen gehabt haben die zwai^b tail zehents daselbs datz Inning, di wir gehabt haben gegen dem drittail zehents der zu^e der pfarrchirhen ze Hürben gehört und der uns der obgenant her Ott von Zelking selig ain drittail gegeben hat und der wir von Ru^oedolfen dem Sesnagel und von Wernharten von Öd das ander drittail gechauft haben, darnach den zehent gelegen daselbs ze Inning, den wir von Marcharten von Tyernstem gechauft haben, und allen den zehent den wir in der pfarr ze Hürben gehabt haben, wi der genant ist oder auf wew der gelegen ist; darnach so haben wïr verchauft unsers aigens ain holts gelegen bei Sazz an dem Chronbitperg und in dem Züevang holts und gru^ent. Die vorgenanten unser vest datz Inning mit alle di^e und dar zu^e gehört als oben benant ist und auch di^e obgenanten gült und güeter, lau^et und güet, di^e egenanten zehent, das holts und alles das daz dar zü gehört ze velde und ze dorf, gestift und ungestift, versuecht und unversuecht, und alles das daz wïr daselbs datz Inning gehabt haben, ez sein gueter di wir da gechauft haben oder di von andern lau^eten zu^e unsern handen becho^emmen sind, wie sich das gefüegt hab, wie das genant ist oder wo das gelegen ist, es sei aigen purkchrecht oder lehen, mit allen ern nützen und rechten als wi^er ez alles unverchumbert und unversprochenlîch in aigens purkchrechtes und lehens nütz und gewêr unz auf den heutigen tag innegehabt und herpracht haben, haben wi^er verchaüft und geben umb tau^esent pfunt wiennêr pfenning, der wir gar und gänzlîch verricht und gewert sein, dem ersamen Chunraten dem Veyrtager und allen seinen erben fürwas ledichlich und veilîch ze haben und allen irn frumen damit ze schaffen, verchaüffen versetzen und geben wem si wellen an allen irsal; und sein wir ich vorgenanter Fridreich der marschalch von Pappenhaim, ich Kathrey sein hausvrow und all unser erben des vorgenanten Chunrates des Veyrtager und seiner erben der obgenanten vest datz Inning und aller der gült und güeter di oben geschriben und benant sind recht geweren und scherm fu^er all ansprach des aigens als vreins aigens recht ist, purkchrechtes als purkchrechtes recht ist, lehens als lehens recht ist und des landes recht in O^esterreich. Get in furwas daran icht ab mit recht oder ob si mit recht icht chrieg oder ansprach daran gewu^ennen von wem das wêr, daz schüllen wir in alles ausrichten ablegen und auch widerchern an all i^er müe und schaden, und schüllen si das haben aüf uns aüf allen dem guet das wir haben in dem lande ze Österreich oder wo wir das über al indert haben, wi^er sein lebentig oder tode. Das der chauf fürwas genzlich stêt und unzeprochen beleib, daru^eber gib ich obgenanter Fridreich der marschalch von Pappenhaim dem obgenanten Chu^enraten dem Veyrtager und allen seinen erben den brief versigelten mit meinem^c insigel² für mich und all unser erben, und mit meiner swäger insigelen Albreclites von Zelking,³ hern Stephans von Zelking, hern Ulreichs von Zelking⁴ und Hainreichs von Zelking;^d mit meines öheims insigl Petreins von Losenstain,⁵ mit meines swager insigl hern Chadolts des jüngern von Ekchartzaw⁶ und mit Marchartes insigl von Tyernstain⁷, di wir des vleizzichlich gepeten haben, daz si der sach zeugen sind mit irn anhangunden insigelen. Aber dürch pezzerr sicherhait und bestätigung so verpind ich mich obgenante Kathrey hern O^etten sêlig tachter von Zelking fu^er mich und all mein erben mit meinen trewn under di^e gegenbürtigen insigl alles das genzlich stêt ze haben und ze volfu^ern, daz vor an dem brief geschriben stet. Geben datz sand Pölten, nach Christs gepurd dreuzehen hundert jar darnach in dem acht und sechzgistem jar, des nachsten phinztags nach dem Liechtmess tage.

Source Fulltext: LAMPEL, Urkunden Sanct Pölten (=FRA II, Wien 1901) S. 7-10