Wir Johanns von gotes gnaden probst, Niclas techant und wir der convent gemaindlichen des goczhau^es dacz Sand Po^elten bechennen und tu^en kunt offenlich mit dem brief für uns und^a all unser nachko^emen allen den di in sehent ho^ernt oder lesent, di nu^e lebent oder hernach chu^enftig sind, das wir mit veraintem willen mit wolbedachtem mu^et mit gemainem und zeitigem rat, zder zeit do wir es wol getu^en machten, recht und redlichen verchauft haben unsers rechten vrein aigens, das wir in pu^erkchrechtes weise und purkchrechtes rechten verchau^eft haben und ou^ech in den rechten als hernach an dem brief geschriben stet, dem edlen herren hern Haydenreich von Meissawe obrister schenkch in O^esterrich und die zeit lantmarsalkch^b in Osterreich und allen seinen erben allen unsern zehenten den wir haben ze Weyten und ze Emmerstorf, den her Ulreich der Veyrtagêr sêlig weilant probst unsers goczhau^es von unserm lieben genêdigen herren hern Albrecht pyschof ze Pazzawe und seinem capitl daselbs gechauft hat umb zwelif hundert phunt wienner phenning getraid zehent und weinzehent grozzen und chlainen ze perig ze veld und ze dorf, gestift und ungestift, versu^echt und unversu^echt, wie die genant sind, mit allen den nutzen ern und rechten als wir dieselben zehent alle inngehabt und herpracht haben an all aüszu^eg, dieselben zehent haben wir verchau^eft und geben umb tausent phunt wiennêr phenning, der wir gar und genzlich verricht und gewert sein von dem obgenanten herren hern Haindenreich von Meissawe und seinen erben und die wir gegeben haben Steu^ezzen dem juden ze Wienn an der geltschulde der aindlef hundert phunt wiennêr phenning haubgutes, darinne uns der egenante unser lieber herr und vater her Ulreich Veyrtagêr sêlig weilent probst des obgenanten unsers goczhau^es dacz Sand Po^elten lazzen hat, also daz sew di^e vorgenanten zehent mit allen nu^eczen ern und rechten so vorbenant ist sullen fürbas ledichlichen und freilichen haben nu^eczen niezzen und allen irn fru^emen damit schaffen, verchau^efen verseczen und schaffen machen oder geben wem si wellen, und alles damit ze tu^en und ze wandelen daz in allerpest fu^egt und wolchu^empt, an allen chrieg und irsal; also mit ausgeno^emen worten daz si uns, unserm goczhau^es alle jar jêrlich an sand Michels tag drei wienner phenning ze pu^erkchrecht davon dienen su^ellen und nicht mer. Und sullen wir und all unser nachko^emen vollen gewalt und recht haben di egenanten zehent von dem heutigen tag u^eber drew ganze jar und nicht ee wider ze chau^efen umb tausent phunt wiennêr phenning, also wenn daz ist daz wir sew dann manen und vodern, ze welher zeit das im jar ist, dann so su^ellen si uns des widerchau^effes stat tu^en und gehorsam sein an all verziechnu^ezz und widerred. Wêr aber daz wir di egenanten zehent in den egenanten nachsten drin jarn widerchau^efen wolten, des sullen si uns stat tu^en, doch also das wir di vorgenanten zehent mit aindlef hundert phunden und mit vir und zwainzig phunden wiennêr phenning wider von in chaufen su^ellen und nicht anders. Und durich pezzerr sicherhait so seczen wir uns und all unser nachko^emen unverschaidenlich u^eber di^e vorgenanten zehent, mit allen nu^eczen und rechten als vorgeschriben ist, dem egenanten hern Haidenreich von Meissawe und seinen erben in den vorgenanten rechten ze rechten gewern und scherm fu^er all ansprach, als purchrechtes und des landes recht ist in O^esterrich. Auch lu^eben wir in besunderlich, das wir scherms nimmer ledig su^ellen sein all die weil und si di vorgenanten zehent innhabent und besiczent oder wem si die verchau^effent und seczent. Wêr aber daz in mit recht an den vorgenanten zehenten icht abgieng oder daz si mit recht dehainerlai chrieg ansprach oder invell daran^c gewunnen, es wêr mit geistlichem oder mit weltlichem rechten,^d von wem daz wêr, waz si des schaden nement, wie der schad genant ist, daz su^ellen wir in allen^e ausrichten ablegen und widerchern, an all ir mu^ee und schêden, und sullen si daz haben dacz uns unverschaidenlich und au^ef allem unserm gut daz wir haben in dem lande ze O^esterrich, wie daz genant ist, daz zu^e unserm goczhaus geho^ert, und su^ellen auch desselben schadens und alles des daz in mit recht an dem obgenanten zehent ab get, als vorgeschriben stet, davon becho^emen, wie si nachst mo^egen; das lüben wir in ze laisten mit unsern trewen an als gevêrde. Und wer au^ech den gegenwu^ertigen brief von irn wegen innhat, der sol all di^e recht haben ze geleicher weise als vor an dem brief geschriben stet. Und daz der chau^ef und di vorgeschriben gelu^eb allz gancz stët und unzebrochen beleib, geben wir in fu^er uns und all unser nachko^emen den brief besigelten mit unsern zwain grozzen angehangenden^f insiglen. Geben ze Wienn, nach Christi gepu^erde dreuzehen hundert jar darnach in dem zwai und sibenzgistem jar, an sand Gregorii tag.

Source Fulltext: LAMPEL, Urkunden Sanct Pölten (=FRA II, Wien 1901) S. 116-118