Wir Albrecht von gots gnaden herzog ze Osterrich ze Steyr ze Kërnden und ze Krain, graf ze Tyrol etc. bechennen und tün kunt offenlich mit disem brïf, daz wir genedeklich angesehen und betracht haben manigvaltig gepresten und beswerung die den erbern geistleichen unsern getrewn andechtigen n dem probst und dem convent ze Sand^a Polten anligend sind, davon si und daz kloster an^b gulten ab komen und bekrenket sind, und haben in darumb ze ergeczung und daz si dester paz widerkomen und beleiben mugen die genad getan und tün auch wissenlich: swas si ïrs paw weins verschenkent in ïrm kloster und in iren vier amptheusern, in dem siechhaus, in dem kamerhaus, in dem custerhaus und in dem spital, daz si uns noch unsern ungeltern davon fürbacz kain ungelt geben noch raihen schullen, und gepieten auch ernstleich unsern ungelteren ze Sand Polten, welich die ie ze den zeiten da sind und wellen, daz si den obgenanten probst und n den convent bei der egenanten genad beleiben lassen und in daran kain invelle noch beswerung tu^en in dhain weg. Mit urkund dïcz brifs, geben ze Wienn, am phinztag vor Oculi in der vasten, nach Kristi gebürt dreuzehenhundert jar darnach in dem achzigisten jare.

Source Fulltext: LAMPEL, Urkunden Sanct Pölten (=FRA II, Wien 1901) S. 227-228