Ich Ott der Waser^a und all mein erben vergehen offenlich mit dem brief allen den die in sehent herent oder lesent, das wi^er recht und redlich verkhauft haben unsern halben zehent, weinzehent und traidzehent, grossen und khlainen zehent, gelegen dacz^b Mechters ob der landstraß in Poltinger phar, davon man jarlich ze purkhrecht dient auf das khamer ambt ze Sant Pölten ainen halben mut khorn und ainen halben mut habern und zehen wienner phening, mit aller zuegehorung ze veld und ze dorf, gestift und ungestift, versuecht und unversuecht, mit allen den nutzn und rechten die darzu gehörnt, der zu purkhrecht ist von dem gotshaus datz Sand Pölten, also haben wir den selben unsern halben zehent verkhauft und hin geben umb 29 lb d der wi^er ganzlich verricht und gewert sein, ze rechten tagen und on all schaden, Otten dem Teufl von Mechters und seinen erben, die das halben tail des obgenanten zehents gegen uns habent, also das si mit dem vorgenanten unserm halben zehent den^c wi^er in gegeben haben, allen iren frum schaffen sollen, verkhaufen versetzn schaffn machen und gebn wemb si welln, in den rechten als obbenant ist on all unser irrung. wi^er sein auch des obgenanten halben zehents den wi^er in gegeben haben, ir recht gewern und scherm fur all ansprach als purkhrechts recht ist und des landes recht ze Österreich. Get in aber daran icht ab mil recht, oder ob si mit recht icht khrieg oder ansprach daran gewunnen, von wem das wär,^d was si des schaden nemen, das sollen wi^er in alles außrichtn und widerkhern, und sollen si das haben das uns und auf allem unsern erbguet das wi^er haben, wi^er sein lebendig oder tod. Mit urkhund des briefs, den ich obgenanter Ott der Waser^e besiggelten gib mit meinem insigl² und mit des erwirdigen geistlichen unsers purkherrn herrn Gerungs insigl des brobsts ze Sant Polten‚ im und seinem gotshaus on schaden; und der sach sint gezeugen di erwern Hans der Wasera und Conrad der Flëming mit iren insigeln in peden on schaden, die wier vleissig darum gepetten haben. Geben an unser frawen tag der liechtmeß, nach Christi gepurd 1400^ten jar.

Source Fulltext: LAMPEL, Urkunden Sanct Pölten (=FRA II, Wien 1901) S. 405-406