No. 92. 1386. 21. März.

Balthasar lantgraue in Duringen vnde margraue czu Mißen.

Lieben getruwen. Alz ir vns geschriben hat, habin wir uwir meynunge wol vornomen. Nü habin wir von vns sei bis mit vnser swestir vnde vettern*) vmbe die sache die vnsern laßin reden vnde sehin gerne, daz die ding gutlich gescheiden würden. Dorczu haben vns vnsir vettern laßin antwerten, daz sie gerne allir sache rechtes vnde bescheidinheit by vns bliben; wolt ir nu daz ouch tun, so wollen wir gerne dorczü riten vierczentage adir dry wochen noch ostern by uch gein Lipczk vnde mit fliße vorsuchen, ab wir vnsere vettern vnde uch mit bescheidinheit oder mit rechte gescheiden mügen. Vnde ist uch daz also behegelich vnde wolt ir deme also volgin, so last daz vnsern vettern wißn uff den nestin suntag gein Aldinburg, so haben wir mit vnsern vettern laßin reden vnde sie gebeten, daz sie die gerichte doruff abe tun. Geben czu Wymar an der mittewochen noch Reminiscere anno LXXXYI".

Dem rate vnde gesworn czu Lipczk vnsern üben getruwen.

Nach dem Cop. 31 fol. 64 im K. Haupt -Staatsarchiv zu Dresden.

a) Die Markgrafen Friedrich, Wilhelm und Georg, Sühno Markgraf Friedrich» des Strengen.