No. 531. 1484. 25. Mai.

Wir Margareta von gotis gnaden gebornne herczogin zcu Sachschen :c. vnnde eptischin zcu Sewzelicz bekennen —, das wir dem ersammen vnde weißen Jocoffe Biosbalge, Amplonia seynner elichen hawsfrawen, alle seynnen erben vnde erbnemen /. die lehen tlmn vnnde eynnen [gorten] bie Lipczigk gelegen an dem Stadtgraben hin- i-,> der [der] Barfußen mÖl, welchen gorten der vorgnante Jocoff Biosbalg vff gericht recht vnde redellich obegekawfft hat vnnde wöl zcu dangke bcczalt dem rechten natürlichen erben, der sich denne sulches erbes vnde gorten gewßerd vnde vorczycht gethon hat vnde hinfordt mer alle seynne gerechtikeit obirgeben hat, noch dem alzo sich noch erbes lewffte czemmet mit aller bilchikeit, vnnßer gerechtikeit nu° vnde ZQU ewigen geczeiten vnscheddellichen, die lehen tlmn vnde lyhen mit sulcher vnnder- scheit den gorten, do weylle Jocoff Blosbalg mit seyme elichen weibe, seynne erben vnde erbnemen sulch erbe vnde gorteu ynnehaben, sollen sie ierlichen vnnserm clo- ster reichen vnde geben seynnen geborlichen czynsch, nemellich vff Michaelis czwent- czigk gude groschen der besten landis were. Des zcu worer orkunde vnde mer Sicherheit haben wir das yngesigil vnnsers amptis der cptie vnder dyße schrifft loßen henge, gegeben noch Cristi gebort tawsent virhundirt dor noch yn dem virvnnde- achczigisten iare an dem tage sancti Vrbaui.

Nach dem Orig. im Rathsarehiv zu Leipzig mit dem Siegel der Aebtissin an einem Pergamentstreifen.

Im J. 15Ü3. 6. Febr. verkaufte das Kloster Scuslitz an den Kath die Zinse, Gerichte und Gerechtigkeiten auf der Mühle hinter dem Barfüsserkloster gelegen, die Zinse und Gerichte über den Baumgarten zwischen dieser Mühle und dem Ranstädter Thor am Stadtgraben gelegen, das Nauendorff mit Gerichten, Diensten, Lehnware und Zinse und Gerichte ,vff den lewtcn hewscrn vnd gutern kegen saudt Georgen hospitall ober gelegen' für 1200 Rh. Gulden. (Orig. im Rathsarchiv zu Leipzig.)