No. 437. 1469. Michaelismarkt.

Zcumercken das alle drey rete vf den marckt Michaelis anno :c. LX nono eynß worden sein vnd beslossen haben, nuhinforder vff alle vnd igliche merckte zcu- kunfftiglich ein vlissigs vff sehen zcuhaben, das von keyme kauffmann gefelscht gut vorkaufft ader feyll gehalten werden solle, vnd furanß die mit saffran ingeber vnd ändern wurtzen, die man betriglich machen kont, vmbegehen vnd zcuhandeln pflegen, vnnd haben daruinbc geordent vnd gesatzt Fritzen PHster, Lamprechten von Kronen berg vnnd Hansen Feuchtwangern uß den reten neben vnd mit den ändern kramern in der stat gesessen, in den selben merckten vmbe zcugehen vnd zcuzcusehen, das kauffmans gut weherunge feyl gehalten vnd vorkaufft werde, alß es denn dieselben!! wol wissen vnd kennen; des glichen wage vnd gewichte glich zeuhalten. Die denne

370

deme also getan vnd bei dissen nachgeschriben mitnamen Nickel Meister von der Newenstat, Hansen Swaben von Erffnrt, Rottichern Spiß von Magdeburg, Lamprech ten Distelfincken, Heinrichen Dobtede von Buell, Bornschewnen vnd sinem knecht vnd der frawen Cristoffen von Eschwe vnd Hansen Koche von Erffurt etzlichen saffran fanden vnd den genommen vnd vfs rathuß getragen liaben, deßhalben das >sie meynen nicht kauffmans gut sei, den sie Balgir nennen vnd den lewten zcti zciten für ort vnd ändern saffran vorkeulfen vnde gebenn dann er an sich selbs ist'; das die rete ein vnpillichs vnd betriglichs sein beduncket vnd dar vnibe diesel ben alle für sich gefordert vnd mit in nach notturfften daruß geredt, die dann von sich sagen vnd antwert geben, sie gebens vnd vorkeutfens vor das, das es sei, vnd solle ane betrig wol gescheen, das die rete nicht meynen, hat ir itzlicher seinen saffran selbs angriffen vnd dem rate douon IIII lot wegen müssen, den die rete genommen vnd vff die schaw geiu Nurcmberg geschickt haben zcuerkennen lassen, wie sie damit bestehen mögen vnd ab es kauffmans gut sei, vnd den ändern vorpitz- schirn vnd in ir beheltniß setzen lassen, auch hantglobde von in bei schult vnd lantrechte genommen vntz solange das der saffran widderkommen vnd sie sich kegin den reten gerechtfertigt haben, das sie zctigesagt haben zcwisschen hir vnd dem nawen iarßmarckt. Factum sub Hansen Trupitz et suis ut supra.

Nach dem Rathsbuch fol. 75 im Archiv des K. Bezirksgerichts /u Leipzig.