No. 488. 1476. 27. Febr.

Durchluchtigenn hochgebornenn fiirstenn. Vnnsere vnuordrossenn willige vnnd gehorßame vnnderthenige dinste sein vwern gnaden allezceit zcuuoran bereit. Gne- digen lieben hern. Nachdem wir vff disse zceit nach alder gewönheit einen rath pflegen zcukießen vnnd zcuerwelen, haben wir disse nachgeschrieben!! vff vnsere beste gewissen mit namenn Jacoff Tommell zcu burgermeister, Henrich Stangenn, Policarpus Storm, Benedictum Moller, Nickeil Wolff, Ängsten Schnitzen, Fritz Pti- ster, Jacoff Blaßbalg, Lefinum Purster, Barteil Sommerfeit, Matthias Wegill vnnd Tilemannen Guntherode zcu geswornen rathmannen vwrer gnaden Stadt vff diß zcu- kunfftige iar gekorn vnnd erwelet, mit dinglichem vleiße demutiglich bittende, vwre gnade wollen disse selbigenn gekornen gnediglich confirmirenn vnnd bestetigenn, der gemeyne bey vns ernstlich gebieten, ön diß iar vß gehorßam vnnd gefolgig zcusein anstadt vwrer gnade, dadurch die Stadt in eintracht vwern gnaden zcu eren vnnd vnns allen zcu nutz vorgestanden mag werden. Das wollen wir vmb vwre gnaden allezceit gehorsamlich vnnd mit demütigem willen gerne vordynen, vnnd womit wir vwern gnaden zcu gehorsamenn vnnd vnderthenigenn dinsten werden solten, findet vnns vwre gnade allezceit bereitwillig vnnd gehorßam. Geben vnnder vnnßerm secrett vff dinstag noch Estomihi anno je. LXXVI0.

Der rath zcu Leiptzk.

Den durchluchtigen hochgebornen fursten vnd hern hern Ernste kurfursten je. vnnd hern Albrechte gebrudern hertzogen zcu Sachssen, lantgrauenn in Doringen vnd marggraffen zcu Miessen vnsern gnedigen lieben hern.

Nach dem Orig. im K. Haupt - Staatsarchiv zu Dresden.

Das obige Schriftstück liefert für Leipzig das älteste Zeugniss für das Erforderniss landesherrlicher Be stätigung des neu eintretenden Käthes; im Rathsarchiv beginnt die fortlaufende Reihe der Rathsbestätigungen mit dem Jahre l:8t). — v. Langenn Albrecht d. Beherzte S ,%8 A. l verzeichnet die Städte, für welche sich der gleichen Bestätigungen aus den Jahren 1470- 1478 im K. Haupt-Staatsarchiv vorfinden; für Dresden beginnen die selben nach Ausweis der im dasigen Rathsarchiv aufbewahrten Documente bereits mit dem Jahre 1399.