Am mitwochen noch Elisabeth sub Petro Ileburgk proconsule sint alle drie rethe eyns wurden durch des gemeynen nuez willen als vmbe die kangisser, das sie hinfurt eynen ydirmanne er sie rieh adir arm, wer cm alde kannen schusseln teller addir andir czenwercke widdir nuwe czuraachen brengit, daz sullen sie eynem itz- lichem erbeitin vnde machin noch dem er is im brenget vnde sullen daz nicht ergern, vnde sullen von eynem pfunde czuerbeiten nemen eynen halben nuwen gr., vnde der abegang sal der kangisser sie, vnde sullen den abegang deme der machen lest nicht rechen. Waz abir die kangisser uff den kouff czu dem marckte nuwe machen adir ändern luten, daz sullen sie machen czu dem eilfften . . . -1) vnd waz sie von den alden kannen schusseln tellern adir ändern czenwerck eynem macheu, daz sullen sie mit der stad Schilde addir czeichen alleyne mercken vnde czeichen; was sie abir von uuwens vnd czum eilfften eynem adir uff den kouff machen wurden, daz sullen sie mit irem vnde der stad czeichen mercken durch des willen, daz man ir werck nicht bescheiden adir straffen mag. Brengit ouch eyner eynem kangisser alt geczeichent gemacht czenwerk, do sullen sie im nuwe czeichen widdir geben vnde sullen da von or Ion nemen vnde mehir nicht Item so sullen die kangisser keyne kannen von keynem fremden kouffen, der sie on czu treget, der vorkouffer sie on denne bekent- lichen vnde vmbesprochen, deme mögen sie abekouffin vnde wegsein.

Nach dem Stadtbuch fol. 50b im Rathsarchiv zu Leipzig.

Die Jahrzahl 1446 ist einer in dem s. g. gelben Buche im Rathsarchiv enthaltenen Abschrift aus dem 16. Jahrhundert beigefügt.

1} Leerer Raum Im Orig.