No. 317. 1454.

Mit willen vnd volbort deß richters ist gewilkoret nach gotis gebort im vyhr vnde fumfczigisten iare der mynner czal von allen dren reten vmbe gemeynes nutczes vnd gedien willen der gemeyne also hir nachfolget je. Eß sal kein burger mit key- nem gaste nicht geselleschaft haben heymelichen nach offinbar ane geuerde by busse

/-

248

czehn schocken. Item wer hirinne vordacht wirdet, der sal sich des entledigen vff den heiligen addir sal der bussen vorfallen seyn.

Man sal kein centener gut nicht abeladen, es sy eins burgirs addir eins gastes, eß thun denne dy geswornen ledere, dy sollen das auch in der wage schry- ben lassen by busse zcwenczigk grosschen.

Eß sal kein burger mit keynem gaste kein gedinge nach packt nicht machen, das er om syn gut stetiglichen handele vnd hantire by bussen czehn schogken. Sust vnderstunden mag ein burgir eins gastis gut vngeuerlichen vorkeuffen, han- tiren, vfladen vnd wegk schicken, doch nicht in ander wyse widder mynner nach mehr, wenne es der gast selbir vorkeuffen solde nach lute der czedelen in der wage. Wer hirinne vordacht wirdet, der sal sich entledigen vff den heiligen addir sal der bussen vorfallen seyn.

Eß sal yderman von mythusern, auch von forwercken, schunen vnd gertten, die in der stat gelegen vnd an eins husern nicht legen, schössen vnd wachen nach des rates irkentniß vnd keyner keyne fryheit nicht haben.

Eß sal nymand ein eigen büß haben nach hantwergk triben, he sey denne burger, ane des rats sunderlichen willen.

Eß sal ein iczlich hußgenoß, der eine gemitte kamer adir huß bette, der nicht burger ist vnd nymandes gebrote gesynde ist, ierlichen einen vorschosß geben eine margk.

Eß mögen die schutczen, dy do schyssen alleine vnd nymandes mehr zcu den zcwehr im iare, nemlich vff des heiligen lichnams tag vnd vff sente Sebastians tag, vff iczliche zceit einen tag vnd nicht lenger zcusampne gehn vnd sollen forder keyne qwesse nicht haben, sunder dy selbigen, dy do schyssen alleyne vnd nyman des mehr, dy mögen des sontages im sommer einen bratten essen vff der trinck- stoben vnd nicht andirßwo. Sie sollen auch keyne meister nach obirmanne nach alde meistere nicht haben, wenne alleyne zcwene meistere, einen zcu des heiligen lich nams messe hantreichunge dorczu zcuthune, den andirn sy vff der czelstat zcu regi- renn, vnd sollen forder keynen besundern rat haben nach keyne satczunge nicht machen, sunder iris rats sich an dem rate irholen. Sy sollen auch keynerley in die geselschaft nicht keuffen ane des rats besundern wyssen vnd wyllen.

Wenne man eine Wirtschaft einer hochczeit haben wil, so mag der brutegam beten acht par vnd dy do brut werden sal auch acht par vnd czehn gesellen vnd czehn iuncfrauwen vnd dorobir nymandes mehr widder geistlichen nach wertlich, sie wer den denne in die oben geschrebenne czal gerechent, sunder fromde lute vßwendig der stat, sy sint frunde addir fromde, mag man beten yderman nach synem wolge- fallen, vnd also manche person man melier wurde beten, also manch mal sal man dem rate zcwenczigk grosschen zcu busse geben. Vff das solliche satczunge gehal- den werde, so sal der brutegam bynnen einem manden nach der hochczeit vnuor- botet vor den rat körnen vnd sal das vff den heiligen beweren, das er das also gehalden hat, wil er dcß nicht thun, so sal er dem rate vnleßlich dy busse geben vor iczliche persone also vorgesaczt ist. Wollen sy auch dy brutrnesse gehalden vnd mit schullern vnd vff den orgeln gesungen vnd belutet haben, das mögen sy

249

thun, sy sollen abir nyraandis zcu tissche laden, wenne den prister, der dy messe gehalden mit einem schuler, den mögen sy des liochczeit tages fruw vnd nicht mehr zcu tissche laden, sunder den Schulmeister vnd den ändern luteren vnd orgilmeistern mögen sy ir gewonlich Ion gebin, vnd dorobir sullen sy nymandes vß dem huse spysen widder badere, ledere nach andere, dy man pflegitte zcu spyssen, bey bussen von itzlichir personen zcwenczig grosschen, vßgeslossen deß brutegams vnde deß brutes gesinde, ap die in ändern husern weren, die mag man vngeuerlichin wol spy sen. — Deßglichcn sollen es auch vnsir bürgere halden, dy einem irer sone eyne wirtschafft einer erste messe addir einem sone addir tochtere evne Wirtschaft einer

tl

inseynete in ein closter machen vnd vßrichten wolden, by der obengeschreben busse.

Eß sal auch keyne frauwe, die einer gebort eins kindes beraten ist, nicht mehr frauwen beten lassen zcu dem kinttenffenn wenne zcwelff frauwen, wes sy der mehr beten lysse addir dy vngebeten dorczu gingen, sal man von iczlichir zcwenczig grosschen zcu busse geben. Auch sollen dy selbigen frauwen in den sechßwochen keyne qwesse zcu den dren wochen nach anderczeit nicht machen, sunder dy frau wen, dy zcu dem kintteuffen gebeten waren vnd nymandes mehr, dy mögen vnder- stunden des heiligen tages zcu or wartten, den selben mag sie vngeuerlich eins addir zcwer schencken vnd nicht mehr, sunder ander frauwen, dy zcu dem kintteuffen nicht gebeten sint, sollen des heiligen [tages] zcu or in die sechswochen nicht wart ten vmbe manchirleye vnnutcze czerunge, die deßhalben geschyt, by busse zcwenczig grosschen, die der rat von iczlichir personen nemen sal. Wenne auch die selbigen frauwen zcu der kirchen gehn, so mögen sy der frauwen achte, die rnite or zcu der kirchen gehen, vnde nicht mehr zcu tissche laden vnd mag den eine malczeit geben nach gewonlicben dingen, vnd was sy der mehr beten wurde, sal sy vor iczlichir zcwenczig grosschen zcubusse geben.

Auch sollen die frauwen in sunderheit keyuen qwaß nicht haben, widder heilige tage nach werckiltage, by busse von iczlicher, dy dorbey ist, zcwenczig gros schen. Auch sollen dy meidichen zcu vnsir üben frauwentagk wurtczevvyhe keyne qwesse nicht haben, nach singen gehn, by busse von iczlichir czehen grosschen.

Also die brut.werden sal vormals einen tag vor der liochczeit iuncfrauwen zcu sich geladen vnd gebeten vnd dy by sich obirnacht behalden hat, das man dy Ram melnacht genant hat, so sal hin forder ein sollichis gancz abe seyn vnd sollen nymaudes by sich haben, by busse zcwenczigk grosschen von iczlichir person.

Auch sal man keynerley spei triben widder mit kegiln, grossctan lassen schyssen addir wy man das irdencken addir nennen magk, auch1 sal eiBymandes mit wyssen gestaten by busse zcwenczig grosschen, dy man vnleßlicha^^^n yder- manne nemen sal. ^^^

Item eß sal nymant bir holen noch holen lassen im collegio nach kannen dor czu lyen, by busse zcwenczig grosschen.

Auch sollen die virtelmeistere alle iar ierlichen flissig vmbe gehn vnd dy fuerruuren besehn, vnd dy danne bruchhafftig sint dem rate beschreben geben, vnd fertigen die sollichen gebrechen bynnen einem virtil iare nicht, so sal der rat von iczlichem ein schogk vnleßlich zcu busse nemen vnd nymandes darane vorschonen.

COD. U1PI. 8A\. II. 8. 32

250

Dis ist gewilkort durch alle dry rete vnd dy gemeyne durch volbort des gerichtis anno domini :c. L quinto.

Nach dem .gelben Buche' fol. 115 im Rathsarchiv zu Leipzig. Im Auszug Dresdner gelehrte Anzeigen 1799 Stück 22 S. 169.