No. 507. 1479. 1. Nov.

Von gots gnaden wir Ernnst des heiligen Romischen reichs ertzmarschalk kurfnrst vnnd Albreclitt gebruder hertzogen zu Sachssen, lantgrauen in Duringen vnnd marcgranen zu Meissen bekennen —, nachdem vnnßer lieben getrawen der rate zu Lipczk mit der eptisschin vnnd gantzen sampnunge des iungfrawen closters vor

421

vnnßer stat daselbst zu Lipczk vmb zcehen acker, so dem genanten iungfrawen clo- ster zugestanden hinder der zcigelschunen vor sant Peters tor gelegen, zu vnnßerm vnnd der stat gebewde notturfft dyenend ein vertracht gemacht haben nach laut vnnd anweißunge der briiie vndereinander darüber volzcogen, vnder anderm inhaldend, das der rate obgenant dem genanten iungfrawen closter hinfur alle iare ierlich zu ewigen zceiten für sulche zcehen acker mitsampt der zcigelschunen vff Michaelis zwey schock groschen der besten muntze die zceit in vnnßern landen vnnd furstenthumen ganghaftig geben vnnd reichen sullen vnnd der rate sulle sulche zcehen acker mit sampt der zcigelschunen hinfur ewiglich zu erbeigen behalten, der nach aller notturfft zugebrauchen, das wir zu sulchem contract vnnßer guiist vnnd guten willen gegeben haben —. Zuurkund mit vnnßerm hertzogen Ernnsts anhangendem insigell, des wir hertzog Albrecht hirzu mitgebrauchen, wissentlich besigelt vnnd geben zu Lipczk nach Cristi vnnßers hern gepurt tausentuierliundert vnnd darnach im newnund- siebenntzigisten iaren am montage allerheiligen tage.

Nach dem Orig. im Rathsarchiv zu Leipzig mit dem Siegel des Kurfürsten an einem Pergamentstreifcn.