No. 206. 1441. 6. Apr.

Wir Friderich von gots gnaden des heiligin Romischin riechs erczmarschalg, herczog zcu Sachsin, lantgraue in Doringen vnd marcgraue zcu Missen bekennen für vns vnd vnnsern üben bruder herczogin Wilhelmen —, das wir den ersamen vnd wiesen Clausen Serwicz vnd Mauritczen sinem sone vnd iren rechtin libes lehins- erbin diese nachgeschrcbin dorff vnd zcinse, mit nanien das dorff zcu Rudenicz mit dem holtcze gnant das Elrich, die kornzcinse zcu Fochshol vif fimfftehalber hufen landes, eyn schog groschin vf den altrussen zcu Lipczk, eyn schog zcinses ym dorffe zcu MockaAv, eyn halb schog groschin vnd dry luinre ym dorffe zcu Gerin- '• geshayn") alles in den pflegin zcu Lipczk vnd Grymme gelegin, die sie wider Hann- scn vnd Lodewigen Waltheyme recht vnd redelichin habin gekoufft1'), mit sollichin rechten eren nütczin wirden zcinsen reuten vnd zcugehorungen nichts vzgenomen in allermassen, als die die egnantin Hans vnd Lodewig Waltheyme von vns bißher zculehin gehabt vnd nu für vns vfgelassin, durch sunderlichir gunst vnd gnade willen zcurechtem lehn gereicht vnd gelihen habin —. Hiebie sind gewest als geczugen vnser rete vnd üben getruwen er Hanns von Malticz vnsir obermarschalg, er Bernhart von Kochperg vnsir üben gemahcln hofemeister, er Wedekind vom Lohe ritter, Friderich von Malticz —. Zcu vrkund versigelt mit vnserm anhangenden insigil für vns vnd vnsern üben bruder herczogin Wilhelmen. Gebin zcu Missen nach gots gebort vierczenhundert darnach ym eynvndvirczigistin yaren am dornstage nach dem sontage Judica in der fasten.

Nach dem Orig. im Jtathsarchiv zu Leipzig mit dem Siegel des Kurfürsten an einem Pergamentstreifen.

a) Gerichshain, Ejih. Würzen, bi Vgl. No. 193. A. o.