No. 524:. 1483. 26. Juni.

Ich Hanns Swabe burger zu Liptzk vnnd Appolonia meine eliche hußfrauwe bekennenu —, das wir den ersamenn vnnd fursicbtigen weysenn burgermeister vnnd rate der Stadt Liptzk vnnser kannner vnder dem rathuße vnnd bonena) gelegenn vorkaufft vnnd yn dieselbe kammer vor hundert guldenn Reinisch gegebenn, welche hundert guldenn sie vns dann auch barober gütlich vnnd wol zudancke bezcalt — habenn —•. Auch habenn vnns — burgermeister vnnd ratmann der stadt Liptzk sulche vnnser vorkauffte kammer darnach vormitt, also das wir vnnser erbenn vnnd erbnehmen yn zu dem zcinße, so sie vorhynn daruffe habenn, ierlichenn funff gul denn zinß auff zwo tage zceit ernach bestimpt, nemlichenn auff weynachtenn vnnd Johannis gebenn sollenn —, so lange vnnd die weile solche mithe stehenn vnnd wir solche obgedachte vnnser kammer mit solchenn hundert guldenn obenberurt nicht widder zu vnns loßeun vnnd keuft'enn wurdenn. Doch hat vnns der rath nach dem obgerurtenn kauffe solche gunst vnnd zusage gethann, wo wir vnnser erbenn ader erbnehmenn bynncnn zcehenn iarenn die gemelte vnnser kammer vonn ynn widder- keutfenn woltenn vnnd ynn solche hundert guldenn widder gebenn wurdenn, das vuns der rath inn solcher zceit den widderkautf darann zustatenn sal vnnd wil, vnnd wo wir aber den widderkautf bynnen der gemeltenn zceit der zcehenn iar nicht thuenn vnnd solche verkauffte kammer mit solchenn hundert guldenn houptguts nicht widder zu vnns keuffenn wurdenn, alsdann so sal der rath die selbe vnnser kammer also vor die hundert guldenn zu einem erblichem! kauffe behaldenn ane vnnser, vnn ser erbnehmenn vnnd auch sust eins ydermannes rechtliche innsprache —. Zw vrkunde vnnd bekentnis habe ich obgemelter llanns Swabe vor mich, Appolonienn

434 —

meine eliche hußfrauwe, vnnser erbenn vnnd erbnehmenn mein pitzschaff gebrechen« halbenn eins innsigels an dissenn vnnsernn brieff wissentlich thuenn hengenn, der gegebenn ist zu Liptzk nach Cristi vnnsers herrnn geburt tawsendt vierhundert dar nach im dreyundachtzigstenn iarenn am dornstage nach Johannis Baptistae.

Nach dein Orig. im Kathsarchiv zu Leipzig mit dem Siegel an einem Pcrgamentstreifen.