Wir von gotis gnadin Wenczelaw herczoge zcu Sachsen vnde zcu Lfmeburg vnde Balthasar lantgrafe in Doringin vnde marggrafe zcu Mißen bekennen vnde thuu kund vffintlich mit disim briue, daz wir vmbe die gebrechin, die die hoch- geborn er Friderich, er Wilhelm vnde er Jorie gebrudere landgratin in Doringin vnde marggrafin zcu Mißen vnser lybin ohemen vnde vettern hatten gein dem rate vnde stat zcu Lipczk vmbe daz halbe gerichte, daz den gnanten vnsern oheraen

53

vnde vettern von tode Symons schultheizzin kinderna) zcu Lipczk was angeuallin vnde ledig wordin, mit der seibin vnser ohemen vnde der stat Lipczk gutem wizzin vnde willen geteydingit habin, also daz die egnanten vnser ohemen vnde vettern daz selbe halbe gerichte Thomas von Grymme burger zcu Lipczk zcu rechtem Jene zcu syme übe die wile er lebit, doselbyns den armen vnde den riehen recht zcu richtene, geligin habin, wenne aber er mit dem tode voruellit, so sal daz gnante halbe gerichte vnsern gnanten ohemen vnde vettern, iren erbin oder wer dan zcu Lipczk eyn herre ist ledig vnde los syn, vnde sullin vnde mogin dan daz bestellin noch irme nuczzce vnde bestin, wie sie daz irdenken vnde in bequemelich ist, doryn yn ouch der ratismeyster, der rat, die gancze gemeyne der stat zcu Lipczk noch ichein burger bysundern sprechin noch sie doran hindern noch erren sullin mit wortin noch mit werken dheinewiis ane alliz geferde, vnde habin des vnser insegele mit der stat Lipczk insegele zcu orkunde diser teyding an disin briff wizzintlich laz- zin hengin.

Vnde wir Hans Hosang burgermeyster, Ciriacus von der Pezzene, Hans Lange, Nigkel Selnicz, Otte Cruczeger, Hans Nuwendorff, Nigkel Vdericz der iunge, Nigkel vz der Muncze, Johannes Fellifex, Niczsche Schuman, Concze Nerlich vnde Lorencz Pudernas ratlute zcu Lipczk vnde die gancze gemeyne doselbyns bekennen, daz die obgeschribin rede vnd teyding mit vnserm guten willin vnde .wizzin also geteydingit vnde gesehen syn, vnde globin die vor vns vnde vnser nochkomen stete vnde gancz zcu haldene anc alliz geferde, vnde habin des vnser stat insegel vor vns vnde vnser nochkomen mit der irluchten fursten ern Wenczelaus herczogin zcu Sachsin vnde zcu Lüneburg vnd ern ]3althasar lantgrafin in Doryngin vnde marg- grafin zcu Mißen vnser gnedigin hern insegeln zcu orkunde vnde stetikeit an disin briff wizzinlich lazzin hengin, der gegebin vnde geteydingit ist zcu Lipczk noch Cristi geburd driczzcenhundirt iar in dem ffimf vnde achczigistem iare an der mitte-

wochin noch dem nuwen iare.

•j -

Nach dem Orig. im Ratiisarchiv zu Leipzig mit den Siegeln des Herzog Wenzeslaus, des Landgrafen Baltuasar und dem kleinern Stadtsicgel an Pergainentstreifen. Eine zweite gleichlautende und nur in der Schrei bung abweichende Ausfertigung mit drei Siegeln befindet sich im K. Haupt-Staatsarchiv zu Dresden.

Hörn Leben Friedr. d. Streitb. S. 666.

a) Vgl. No. 67.

/