No. 483. 1475. 5. Sept.

Von gots gnaden Ernst kurfurst je, vnnd Albrecht gebruder hertzogen

zcu Sachssen je.

Lieben getruwen. Alzo wir itzunt bestalt haben, das vnser muntzmeister vnser nnwen muntz bey nch zcu Leiptzk slahen sall, ist vnser begerung, das ir zcwene ader einen redelichen man vß uwerra rat darczu ordent, der allezceit bev

J

vnserm vffczuher bey dem vffczyhen sey vnnd helffe zcuselien, das vnser muntz an dem vffzcihen an der wage vnnd zcall recht sey, vnnd der selbigen vnnser muntze an grosschen pfenning vnnd hellem von einem itzlichen werck nehmen vnnd in ein ysern buchsse zcu der probirung legen lasse, darzcu zcwene slussel sein sollen, den einen ir der rat ader die die ir der rat darczu ordent, vnnd den ändern der muntz meister haben sullen, solchs allis nach inhalt der vorzceiclmng, so wir vnnserm vffzciher haben antworten lassen, gescheen sall. Das nicht anders haldet, is< vnnser ernste meynung vnd thut vns daran wolzcu dancke.

Wir haben Nickel Pfluge houbtmann zcu Leiptzk vnserm rat vnd lieben • getruwen geschrieben, das wir vff uwre vleisßige bete vnsern bürgern vnd den lager- hern bey vch, die ire lust mit beysßeri vormeynen zcu haben, das wir yn sulchs beisßen mit Sperbern vnnd hebichten an hunern vnnd wachtein in vnserm haßegehege vmbe Leiptzk gleicher weiße als vsserhalben des gehegs vngetierlich vorgtinst vnd gestat haben, das er yn sulchs von vnser wegen auch vergönnen vnd gestaten sulle vnd das Hansen Beyer vnserm forster sagen, das er sie daran auch vnuorhindert lasse. Vch wissen darnach zcu richten. Geben zcu Schellenberg am dinstag noch Egidii abbatis anno je. LXXV".

Dem rate zcu Leiptzk vnsern lieben getruwen.

Nach gleichzeitiger Abschrift im Rathsarchiv zu Leipzig.