No. 63. 1363. 20. Aug.

Wir Friderich von gotes gnaden lantgraue zcu Doringen, marggraue zcu Missen, in dem Osterlande vnd zcu Landisberg, graue zcu Üiiamunde vnd herre des landes zcu Plissen bekennen —. Als der edile Thime von Colditz der eldere vnser lieber getruwer für sich, sinen vetter hern Thimen vnd ire erben den margt- zol in der stad zcu Lipcz von vns zcu lehen gehabt vnde vns die selben lehen in vnser geinwertikeit williglich hat vfgelazzeu vnd gebeten, den selben zcol den bur gern gemeinlichen der stad daselbins zcu lihinde, daz wir mit wolbedachtem mute, in geinwertikeit mit willen vnd wissen vnsers lieben bruder ern Wilhelms vnd vor rate vnser heimlicher den egnanten ratisluten vnd burgern gemeinlichen zcu Lipczk vnsern lieben getruwen denselben margtzol zcu rechtem lehen geligen haben von vns vnd vnsern erben geruwiglich zcu behalden vnde zcu besiczen, vnd lihen in ouch den egnanten zol gnediglichen mit vrkund dises briues. Hirby sint gewest vnd sint ouch gezcugen die edeln graue Diterich von Honsteiu, Gebhart von Quernfurt herre daselbins vnd die strengen Heinrich von Kothewitz canczler, Uiterich vom Honsperge marschalk, Kristan von Wiczleuben, Johan von Lengenfelt, Heinrich von Branden stein ritter vnd mer guter lute den wol ist zcuglouben- Geben in der Phorten nach Cristi geburt drizcehenhundert iar darnach in dem drei vnd sechzcigesten iare am nesten sontag vor sente Bartholomei tage, beuestent mit vnserm sigil daran gehangen.

Nach dem Copialbuch I. fol. 19b im Rathsarchiv zu Leipzig. Mit Zuziehung des Cop. 25 im K. Haupt- Staatsarchiv zu Dresden, welches auf Blatt 121 den grössten Tlieil der Urkunde enthält, sind die Auswüchse in der Schreibung des 16. Jahrhunderts beseitigt worden.