No. 526. 1484. 4. März.

Wir burgermeister vnnd geschworne ratmanne der stadt Leyptzk bekennen vnnd tlmn kunt mit diesem briue vor allermeniglich, die in sehen oder hören lesen, das wir den ersamen gewerken der cramerinnunge alhir bey vnns alle vnnd itzliche stucke gesetz vnnd artickel hernach geschrieben, die wir in zugelassen vnnd sie selbst vnnder sich in irer innunge zuhalten gewilkort, von irer vleissigen bete vnnd vmb gemeynes nutzes willen, so dorauß körnen sal vnnd magk, in allen vnnd der innunge zugute confirmiret vnnd bestetiget haben, confinnirn vnnd bestetigenn in [die in] vnnd mit krafft dis brieffs, das die hinfur von allen vestiglich sollen gehalten werden in massen hernachuolget vnnd stuckweys eigentlich hirinne beschrieben steht.

Zum ersten das diese hernachgeschrieben stucke vnnd pfennigwert zuuorhan- deln in yre innunge gehorn sollen vnnd in zugelassen sint, also neinlich alle spetze- rey vnnd wurtz wie die nameii haben magk, dartzu Venedische seife, allerley Köl nische pfennigwert vnnd birreit, seydentuch, zendal, taffent je. geworcht seiden ding, getzwirnte borten, offen seyden, getopelte Kolnische beute! mit seyden schnüren, auch getopelt semische beutel geferbt vnnd vnngeferbt, auch semische senckel, vßlendische Schwäbische geferbte leywannt, wie dieselbe geferbt ist, auch bogkeschin, wamsin vnnd weyße Swebische leywannt, bawmwollen, halb bawmwolleu vnnd beuteltuch geferbt vnnd vniigeferbet, parchant, wachs entzln awßtzuwegen. Vnnd sulche oben- geschrieben pfennigwert in ire innung gehörende sal nyemands eiitzln außwegen nach bey der ein vorkeuffen wider in gewelben kamern nach an offen laden, er sey dann burger vnnd habe mit in die innunge gewonnen, außgeschlossen die hant- werger vnnd burger, die sulche pfennigwert als semisch vnd beutel, auch senckel

55*

436

vnnd dergleich selbst dorauß machen können, vnnd die innleger vnnd samptskewffer, die in im herbergen vnnd gewelben solche obenberurte pfennigwert vorkeuffen vnnd vorhandeln mögen, doch sich nicht anders damit zuhalden dann nach laut des rats

"V gesetzen vnnd der tafeln_in der wage hangende bey des rats pen vnnd busse dar- inne begriffen. Derhalben sal auch keyne netterin offen laden halten vnnd keyn ellenmoß von seyden, leynwant oder andenn, nach gewegne war hynder der innunge vorkewffen, awßmessen vnnd hynwegen, sundern welche netterin den leuten vmb Ion arbeiten, die mögen wol an eynem offen laden sitzen, den leuten vmb ir Ion arbei ten vnnd machen was in bracht wirt, vnnd auch eyne hawbe, tzwu oder drey vnnd des gleichen, was sie auf den kauf arbeyten, an Iren laden oder fennster hengen ane der cramer insage vnd vorhindernis. Auch sollen hierynne die drey margkttage vor vnnser lieben frawen tage lichtmessc ausgeschlossen seyn, auf den nach alder gewonheit eynem iden frei seyn sal vnnd bleiben wachs zuschlahen vnnd entzeln awßzuwegen vnd zuuorkewffen. Vnnd darumb wo die kramermeyster ymandes dar über, der die vorberurten pfennigwert in die innunge gehörende, auch anders dann

Y die gesetz der tafel in der wag hangende besagen, er wer gast oder burger, der mit yn nicht innunge hette, betreten vnnd in oder sie des vberkomen wurden, ennt- zeln awßwegen oder bey ellenmaß vorkeuffen wurden, den oder die sollen vnd mögen sy nach alder gewonheit durch erleubnis des gerichts vnd mit dem froneboten pfen- den, sich alsdann mit dem pfant geyn gerichte wenden; der oder dieselbigen vber- treter sal itzlicher besundereu alsdann den cramern sulchs mit zweyen pfunt wachs vorbussen vnd solchs auch kegen dem gericht ade r vnns dem rate nach des gerichts oder vnsern erkentnis abetragen; vnnd darumb das der richter in den froneboteu vorleyht mit den cramermeistern vmbtzugehen vnnd wu es not sein wirt zupfenden, so sollen sie derhalben alle iar ierlich vor fastnacht dem gericht zweyntzigk vnnd dem fronen acht groschen der besten niuntz reychen vnnd geben. Sie sollen auch in vnnd awßerhalben den mercktcn auf die partyrer vnnd Schottenn eyn vleyssigk aufsehen haben, das die rechtfertige war au spetzerey oder ändern vorhandelen vnnd vorkawfen, vnnd wo sie imandes betreten vnnd ankörnen wurden, der nicht recht fertig vnd kaufmans gut feyl hette oder vorkeuffte, den sollen sie dem rate getreu lich offenbarn. Darnach ist in zugelassen, wer do innunge mit in gewynnen wil, der ader die sal in yn ire lade drey gülden Reinisch viind vier pfunt wachs zu yren kertzeu geben, doch mögen sie demselben darüber guten willen ertzeigen dar nach sy erkennen, das seyn notturft erfordert, vnnd sulchs sal zu yrem genauen stehen. Auch haben sie sich vndereynander vorwilligt, das hinfur nyemandes von irer innunge am margkttage als tzwir in der wochen mer dann eyne bude auf den margkt setzen vnnd feylhaben, auch das hinfur keyner alle tage vf dem margkte zu bilden stehen sal, besundern das eyn itzlicher am margkttage nach dem ändern, als der iungste nach dem eldisten, inniassen er in die Innung kommen ist vnnd darnach er pfennygwert feyl hat, ordentlich stehen sal, bey busse tzweyer pfunt wachs. Vnnd ab auch imandes vnder in den kramerineistern saldier busse halben honsprcdien wurde oder sie mit Scheltworten oder dergleichen vbirfarn vnnd sich also vngehorsaralich wider sie ertzeigen oder setzen wurde, die sollen den gewerkcn

437

daruinb eyn pfunt wachs zur buse voruallen seyn, doch dem rate vnnd Berichte an seyner oberkeyt vnnd strafe vnschedelich. Vnnd ab imandes vnder in yn eyni- chem es were mit worten oder wercken vorgrieffen oder myshandeln wurde, das dem rat oder gerichte zustrafen geburte, das sollen sie nicht vorschweigen, sundern an vnns den rat oder das gericht gelanngen lassen vnnd vnuorhalden offenbaren, bey des rats ader gerichts strafe vnnd busse. Wurde auch imands, der oder die mit ine nicht iununge betten, in der wochen ausserhalb den tzweien margkttagen auf dem markte zu bilden stehen vnnd feylhaben vnnd sulchs von den cramermei- stern an den rat getragen, wo dann der rat erkennet, das es den gewerken oder ändern burgern an irer narunge schaden ader abbruch tet ader das sie zu sulchen zeiten nicht offen bilden oder feylen kauf auf dem uiarckt haben solteu, wirt sich der rat nach gelegenheit der zeit geburlicher weise wol wissen darynne zuhalten vnnd4 wu es not seyn wirdet sulchs vmb nutz willen der gewerken zuuorbieten las sen. Item wann imands aus den gewerken oder innunge vorstirbet, so sollen die iungsten vier gewerken die leich zu dem grabe tragen, iglicher bey busse eyns pfunts wachs, es sall auch eyn itzlicher gewercke, der oder dy mit in yn der innunge ist, so ym oder yr das von den meistern vorkundigt wirt, der leych von dem hawße, darynne e_s_ verstorben ist, bis zu dem begrebnis vnnd in die kirche nachuolgen vnnd hernach wider aus der kirchen zu der behawssunge, darynue es vorstorben ist, bey buse sechs pfennige, auch bey der seelmesse vnnd opfer sein vnnd bleiben, bey gemelter busse sechs pfenning. Item wann dy meister die gewerken zusamne vor- botten lassen, welcher dann inheymisch ist vnnd in eyner stunde, die yme gesatzt, an die stelle, dohin er vorbott wirt, nicht kombt oder vrloub von den meistern gebe ten hat oder bittet, derselbe gewerke sal sechs pfenninge zur busse vorfallen seyn, welcher aber freiielichen vnnd vngehorsamlichen aussen bleiben wurde, der sal den gewerken eyn pfunt wachs zur busse geben. Wurde sich aber ymands weygern sulch 'busse zugeben vnnd sich den meistern vnnd gewerken damit widersetzig machen, dem oder den mögen die kramettneister, doch mit erloubnis des rats ader gerichts, seynen handel nyderlegen, solange biß das sich der oder dieselbige mit den gewerken vmb solchen vngehorsam vilml vnbilliche weygerunge nach erkentnis des rats vortragen hat, doch sal sulche vorberurte strafunge der gewerken dem rate vnnd gerichte an seyner oberkeyt vnnd gerechtigkeyt wie vorgemelt ist keynen abbruch tun. Es sall auch widder diese vnsere bewilligunge vnnd satzunge nyemands von den gewerken diser yununge ane vnser wissen eynicherley ander satzunge vnnde nawickeyt aufbringen, vnnd der rat behelt yme auch hirynne vor sich vnnd alle yre nachkommen alle vnnd itzliche obbeschriebene gewilkorte stuck punct artikel vnnd satzunge zu allen tzeiten nach seynem geuallen, wann das die notturfft erhey- schen wirt, zu ändern zumyndern oder zubessern nach der gemeynnen stat vnnd gewerken nutz vnnd fromen, auch die gantz wider abtzutun ane der gewerken Wider rede. Zcu vrkunde vnnd das wir obegenannten burgermeyster vnnd ratmanne der egenantenn stat Leyptzk die gewerken dieser obgemelten innunge mit diesen obge- schrieben stucken puncten vnnd artikelen begäbet gefreyt vnnd in die bis auf vnser widerrufen vestiglich zuhalden bestetigt haben, sie des auch wo es in notturft ist

438

schützen vnnd hanthaben wollen, so haben wir vnser stat secret an diesen vnsern brief tun hengen, der gegeben ist auf donnerstag nach dem sontage Estomihi nach Cristi vnsers herren geburt tawsent vierhundert darnach in viervndachtzigs,ten iaren.

Nach Abschriften aus dem 16. Jahrhundert im Rathsarchiv zu Leipzig.