No. 489. 1476. 2. März.

Ich Nickel Pflugk uff die czeit amptman czu Liepczk Pegaw vnd Bornne, czum Knuthaym vnd wir Heinrich vnd Hans Pflugk czu Zebicker vnd Zschocher gesessen bekennen —. Nach dem der erbar vnd fursiehtige Jacoff Thomel burger meister czu Liepczk vor sich vnd alle seine leibes lehens erben mit gunst willen vnd wissen der durchluchtigen hochgebornnen fursten vnd hern hern Ernst kur

52*

412

fursten je. vnd hern Albrechts gebrudere herczogen czu Sachssen lantgroffen in Do- ringen vnd marggraffen czu Meissen vnßer genedigen lieben hern mir Henrichen Pfluge oben bemelt czwey schog geldis ierlicher czinße der besten moncz in meiner genedigen hern lande ganghafftig ader dar für ein lebenpfert uff Volckmerßdorff"), das denne mir czu meinem teile gefallen ist vnd itzundt die Pudernaße genant inne haben vnd besitzen, vnd die leben an eynem kollstucke an Selderhußerb) anger gelegen, das do Thomas Schobel burger czu Liepczk innehat, auch die leben an etzlichen ackern mit czweyen grosschen ierlicber czinße bey der Tücher wege") gelegen, als itzundt Symon Tycze czu Selderhußen innehat vnd besiczet, recht vnd redelich abegekaufft vnd mir solchs allis ezu gutem dangke beczalt hat, das wil dem genanten Jacoff burgermcister, Jörgen vnd Nickel gebrudern die Thomell genant burgern czu Liepczk vnd allen yren rechten leibes lehens erben die obin- geschreben czinße vnd guter von vnß czu leben rurende scmptlich bekant gereicht vnd gelehen haben, — die furbas melier von vnß vnsern erben vnd erbnehmen czu rechtem gesampten leben czuhaben czubesiczen, der czugebruchen vnd czugeuissen mit allen vnd iczlichen eren nuczen wirden dinsten czinßen freiheiten vnd gerechtig- keiten —, als wir die redelich herbracht seihest gebraucht vnd genossen haben, also doch das die genanten czwenne gebrudere mit namen Jörge vnd Nickel Thommel aller erst wan der egcnante Jacoff Thommel or bruder ane leibes lehns erben vor scheiden vnd abegehen wurde vnd nicht ehir an den eingeschrieben czinsen vnd gutern vor sich vnd yre leibeslehns erben die lehne volge vnd die gebrauchung dar an haben sollen, szo wollen vnd sollen wir vnd vnßer erben sie vnd yre erben hanthaben schuczin vnd vortheidingen bey solchen yren leben czu bleiben, auch vnßer genedigen hern gunstbrieff dar obir czuschicken, also das den lehen so offte die czufalle körnen rechte volge geschee, als lehen guter recht vnd gewanheit ist, ane geverde. Bey dissen lehen sint gewest als geczugenn die erbarn vnd vehsten Henrich von Crostewicz czu Dolicz vnd Henrich Pflugk czu Ytern gesessen. Czu vrkunde so haben wir obgnanten Nickel Henrich vnd Hans die Pfluge genant vet tern vnd gebruder vnßer insigele vnd eyn iczlicher sein eygen insigel vor sich seine erben vnd erbnemen wissentlich an dissen brieff hengen lassen, der geben ist nach Cristi vnßers hern gebort vierczehenhundert vnd darnach im sechs vnd sebinczige- sten iare am Sonnabende nach Kstornihi.

Nach einer gleichzeitigen Abschrift im K. Haupt-Staatsarchiv zu Dresden.